POP 5

Lajmet më të lexuara të 5 minutave të fundit

Sport

Sonte River Plate-Boca Juniors, ja çfarë duhet të dini për finalen e Kupës Libertadores

Shtyerjeve të njëpasnjëshme i ka ardhur fundi pasi sonte në “Santiago Bernabeu” do të luhet finalja e dytë e Kupës Libertadore mes River Plate dhe Boca Juniors. 90 minutat në kryeqytetin spanjoll do të përcaktojnë fituesin e këtij kompeticioni që është ekuivalenti i “Champions League” në Europë.

Pas shumë peripecive do të luhet sonte në “Satiago Bernabeu” ndeshja e dytë finale e Kupës Libertadore mes River Plate dhe Boca Juniors ku do të përcaktohet edhe fituesja e këtij kompeticioni. 

Ky 90 minutësh ishte përcaktuar fillimisht të luhej në “Municipal”, por incidentet e shkaktuara nga tifozët e River Plate detyruan CONEMBOL të vendoste që ndeshja të mos luhej në argjentinë. Kjo nuk I mjaftoi Boca-s, e cila kërkoi në CAS fitoren 3-0 në tavolinë ndaj kundërshatërëve të përbetuar, por që gjithsesi iu mohua nga gjykata më e lartë sportive. 

Vendimi për të luajtur në Spanjë do t’u sjellë të dy skuadrave 40 mln euro përfitime. Kjo pasi River Plate-Boca Juniors është një nga duelet më të vjetra në botë dhe për këtë ndeshje ka pafund interes si nga tifozët, mediat apo sponsorët.

Sa i takon përballjeve mes dy skuadrave janë luajtur gjithsej 248 ndeshje zyrtare, Boca Juniors është në avantazh me 87 fitore kundrejt 81 të River Plate, ndërsa 79 kanë përfunduar në barazime. E fundit ishte më 10 nëntor në finalen e parë e cila u mbyll me shifrat 2-2. Për t’u shpallur fitues të dy skuadrat sonte duhet të fitojnë me patjetër, pasi rregulli i golit në fushë kundërshtare nuk është i vlefshëm.

Nga shtyrja me kaq shumë ditë e ndeshjes ka përfituar Boca, e cila sonte ka rikuperuar dy futbollistë të rëndësishëm si Christian pavon dhe Pablo Perez.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46