Sonte sfida delikate për kalimin e grupit, Ballkani pret Slavia Prague-n! Trajneri Daja: S'jemi në formë, por kemi kombin me vete

Ballkani i Suharekës, skuadrës se vetme shqiptare që luan në Europë, do të luajë sonte në orën 21:00 në Prishtinë ndeshjen e xhiros së pestë të fazës së grupeve në Conference League kundër Slavia-s së Pragës. Të besuarit e Ilir Dajës ëndërrojnë kualifikimin në turin tjetër, por për këtë duhet të fitojnë me patjetër një ndeshje më shumë vështirësi, pasi aktualisht renditen në vendin e tretë me 4 pikë, 3 më pak se Sivaspor dhe CFR Cluj që mbajnë vendin e parë dhe të dytë me nga 7 pikë.

“Kemi ndjerë çdo herë përkrahjen e tifozëve tonë, të gjithë Kosovës, pasi jemi bërë si kombëtaren e dytë apo si një kombëtare mbarëshpitare. Nuk jemi në formën më të mirë, ndërsa kundështari është i forti i grupit. Gjithsesi ne nuk do hymë në lojë të dorëzuar,”-u shpreh Ilir Daja, trajner i Ballkanit.

Ndeshja e parë mes dy skuadrave e zhvilluar në Pragë përfundoi 3:2 në favor të çekëve pavarësisht lojës shumë të mirë të Ballkanit.

Ne.k./r.k./Shqiptarja.com

TAG:
• slavia prague
• ilir daja
• ballkani fc