Soreca: 'Topi në fushën tuaj', gjeni kompromisin për 'Zgjedhoren'! Basha: Rama t'i vendosë gishtin kokës

Ambasadori i BE-së në Tiranë, Luigi Soreca i tha sot kryeministrit Edi Rama se tashmë 'topi është në fushën tuaj' për të vijuar me reformat që kërkohen nga Brukseli përpara konferencës ndërqeveritare.

Ai kërkoi që palët, qeveria, opozita dhe presidenti të bashkëpunojnë për integrimin e vendit. Soreca u bëri thirrje palëve që të brenda javëve që vijnë të gjendet marrëveshja për reformën zgjedhore.

"Topi është në fushën tuaj. Çelësi është bashkëpunimi me institucionet e tjera. Ne do të vazhdojmë të japim mbështetjen tonë pasi duhet të fillojmë negociatat sa më shpejt të jetë mundur. Bashkëpunim me presidentin dhe opozitën që reforma në drejtësi të vazhdojë.

LEXO EDHE:
Alibeaj në Report Tv: Berisha ka mbetur me mjeranë, bashkë me Ramën kundër SPAK! I hap ‘derën’ Bashës për koalicion

Reforma zgjedhore po diskutohet mes palëve. Në javët në vijim të gjendet kompromis që të gjitha palët të gjejnë balancën, ekuilibrin që të miratohet dhe të zbatohet sikur e dimë nga përfundimet e këshillit të BE-së" tha ai.

Por çfarë mendon Lulzim Basha? Ai u pyet sot nga gazetarët nëse kishte pasur presion nga ndërkombëtarët që të rikthehej në tryezën e Këshillit Politik, por e mohoi duke akuzuar më pas socialistët.

"Absolutisht jo, PS nuk është e interesuar për reformën zgjedhore. Ka nga fillimi i punës që platformave tona u përgjigjet me deklarata boshe dhe cinike, shpresoj që ti vendosë gishtin kokës Edi Rama dhe të lejojë përfundimin e reformës, sipas kërkesave të opozitës, bazuar te gjetjet e OSBE-së, ndryshimi politik është i pashmangshëm" tha Basha.

TAG:
• edi rama
• lulzim basha
• reforma zgjedhore
• Luigi Soreca

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1555

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq