Dita e sotme shënoi për Kosovën 25-vjetorin e Çlirimit nga forcat gjakatare serbe, kjo edhe falë hyrjes së NATO-s në territorin e saj. Për të folur për këtë datë historike, i ftuar në “Studio Live” me Arbër Hitajn në Report Tv, ishte Bekim Haxhiu, deputet i PDK.
Haxhiu rrëfeu se Çlirimi erdhi falë vendosmërisë dhe etjes së popullit të Kosovës për liri, e cila u realizua me nisjen e luftës nga UÇK, nën udhëheqjen e Adem Jasharit.
Sipas deputetit kosovar, tablosë së kësaj dite historike i mungojnë disa ngjyra eseciale. Ai e cilësoi tronditëse dhe të padrejtë faktin se disa prej drejtuesve të UÇK-së ende sot mbahen të burgosur nga Gjykata e Hagës.
“Sigurisht që ishte një përpjekje e vazhdueshme e popullit shqiptar, e cila kulmoi me luftën e UÇK-së, e udhëhequr nga komandanti legjendar Adem Jashari dhe familja Jashari, me ç’rast u mobilizua gjithë populli shqiptar në luftën për liri. Këtë ditë të Çlirimit ashtu edhe si në vitet e fundit jemi duke e festuar në mënyrë të tronditur sepse krerët e UÇK-së po mbahen padrejtësisht në Hagë, Hashim Thaçi, Kadri Veseli, Jakup Krasniqi, Rexhep Selimi dhe ushtarë të tjerë të UÇK-së dhe janë ndër më meritorët për Çlirimin e Kosovës”,-tha Haxhiu.
Duke hequr paralele me Kosovën e 25 viteve më parë, Haxhiu tha se progresi dhe arritjet janë të pamohueshme por e theksoi si të pabesueshme faktin që vendi ndodhet nën sanksionet e aleatëve të cilat e ndihmuan në luftën për liri.
“Askush nuk do të besonte që në 25-vjetorin e Çlirimit të Kosovës, Kosova do të ishte nën sanksione nga po ata miq dhe ata partnerë që na ndihmuan dhe ishin aleatët tanë në luftën për liri. Askush nuk do ta besonte se politikisht do të bëheshin gabime të tilla që Kosovës t’i vendoseshin sanksione nga BE dhe nga partnerët tanë. Sigurisht që Kosova gjatë këtyre 25 viteve ka bërë hapa shumë të rëndësishëm në përparimin e saj dhe në përmbushje të detyrimeve të saja edhe në raport me ndërkombëtarët. Mos harroni që në vitin 1999 ky vend ishte shkrumb e hi, i rrënuar, i shkatërruar, me mijëra viktima, të pagjetur të luftës dhe brenda një periudhe të shkurtër kohore është rimëkëmbur vendi”,-theksoi deputeti.
Ai e përkufizoi si problematike qeverisjen e Kurtit, pasojat e të cilës sipas tij rëndojë në shpinën e Kosovës.
“Atë e vëren vëren çdo kush që shikon veprimtarinë e tij politike, por ne nuk mund t’ia përmbushim deficitet e tij historike, pse nuk ka qenë pjesë e UÇK-së, e ka patur atë mundësi, e ka refuzuar. Përveç atyre sot po kemi probleme nga politikbërja e Kurtit sepse nga politikbërja e Kurtit sot Kosova ndodhet nën sanksione nga partnerët dhe miqtë tanë të fuqishëm”,-deklaroi Haxhiu.
Komente
Lajme të tjera
-
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Mahmutaj për Report Tv: E padëgjuar më parë në gazetari! Suel Çela pagoi Artan Hoxhën për të manipuluar informacionet, i ka shtrirë tentakulat deri te gazetarët! Inskenuan kërcënimin! E rëndë
27 Nëntor, 19:20 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Ironia e Spahiut: Opozita nuk proteston për vrasjen 14-vjeçarit por për fundin e 84-vjeçarit
26 Nëntor, 19:15 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21
Or zoteri nuk eshte Kurti qe Kosova gjendet sot ne kete situate por eshte faji i perendimit qe e detyruan Kosoven qe ti nenshkruaj disa mareveshtje qe sot nuk eshte e mundur te zbatohen sikur eshte rezolluta 1244 edhe Okb e ka fajin qe nuk e njeh Kosoven per shkak te vetos te Rusis dhe Kines dhe disa shtete te Evropes qe e konsiderojne Agresorin si viktime dhe e shperblejne pse i tremben Serbise qe mos shkon nga Moskva ,mundet qe te ndodhe edhe ma e keqja qe Serbia ti thot perendimit ma ktheni Kosoven largohem nga Rusia ateheri mer fund Kosova si shtet i pavarur dhe kete e mbrojti Kurti deri tani por nuk e ka fuqine ta perballoj pse ka shum armiq te mbrendshem ,po te ishte dikush tjeter ne vend te Kurtit nuk dote ishte Kosova ,nuk dote ndodhe qe Kosova te behet shtet i Shqipetareve vetem ndoshta ne kenet me qifteli dhe endra e genjeshtra por jo ne te vertete.
Përgjigju