Sot afati i fundit për deklaratën e TVSH-së/ Tatimet urdhër bizneseve

Për të gjithë tatimpaguesit e biznesit të vogël, sot është afati i fundit për deklarimin dhe pagesën e TVSH-së, për periudhat tatimore Prill, Maj dhe Qershor 2018. Drejtoria e Përgjithshme e Tatimeve paralajmëron se të gjithë tatimpaguesit, të cilët nuk do të përmbushin afatet e plotësimit dhe dorëzimit të deklaratës së thjeshtuar, do të përfshihen automatikisht në përgjegjësinë tatimore të TVSH-së.

Gjithashtu, DPT sqaron se mosdorëzimi i deklaratës brenda afatit shoqërohet me një penalitet prej 5,000 lekë. Ndërsa, nuk do të ketë asnjë penalizim nga ana e administratës tatimore në rast se konstatohet se deklarata e thjeshtuar e TVSH-së është plotësuar me gabime.

Për të shmangur çdo gabim të mundshëm ose nëse keni paqartësi, ju ftojmë që të shfrytëzoni të gjithë infrastrukturën e nevojshme që administrata tatimore ka vënë në dispozicion për mbarëvajtjen e këtij procesi. Ju mund të vizitoni “Këndin e Asistencës”, dedikuar biznesit të vogël, pranë të gjitha Drejtorive Rajonale Tatimore (13 kënde efektive).

LEXO EDHE:
Tatimet për Report Tv: Në 2025 nis hetimi i pasurisë për shoferët me makina luksoze! DPSHTRR: Në Shqipëri të regjistruara mbi 21 mijë mjete luksi

Gjithashtu për çdo paqartësi ju mund të telefononi pranë Qendrës së Thirrjeve në numrin e gjelbër pa pagesë 0800 00 02, ku operatorët tanë do t’ju ofrojnë asistencë në kohë reale: nga e hëna në të enjte ora 08:30-18:00 dhe e premte ora 08:30-16:00. Në dispozicionin tuaj është edhe shërbimi Live Chat në adresën: www.tatime.gov.al

Për t’u njohur me mënyrën e plotësimit dhe deklarimit elekronik të deklaratës së thjeshtuar të TVSH-së, mund të klikoni në linkun: https://bit.ly/2LckDFJ

TAG:
• tvsh te biznesi i vogel
• drejtoria e tatimeve

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.4%

• Të gabuar

  83.8%

• Nuk e di

  4.8%

Vota total: 5177

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di