Sot është Dita Ndërkombëtare e Çokollatës. Në një artikull publikuar nga Agjencia Italiane e Lajmeve (ANSA) thuhet se, në përgjithësi, përbërësit bioaktive në çokollatën e zezë mund të jenë të shkëlqyera për lëkurën tuaj, sidomos tani që jemi në stinën e nxehtë të vitit.
Fjala çokollatë rrjedhë nga pija e parë me përmbajtje të saj çóko: hidhur dhe atl: ujë; pra “ujë i hidhur”. Por si lindi produkti më i pëlqyer në mbarë botën? Çokollata ka si bazë bimën e kakaos, e cila ka një origjinë antike rreth mbi 6000 vjet më parë në lumenjtë Amazona.
Kakao thahet 7 ditë në diell para se të porositet për të prodhuar çokollatë. Studiuesit kanë vërtetuar se çokollatë e mirëfilltë është vetëm çokollata e zezë. Në të kaluarën çokollata përdorej si para pasi në kohën e Majave, thuhet se kokrrat e kakaos ishin përdorur si valutë për shkak që konsiderohej me më shumë vlerë se ari. Në Europë produkti i çokollatës erdhi nga Amerika, teksa sot kontinenti ynë mban vendin e parë për sasinë e konsumit të saj.
Zviceranët mbajnë rekord për konsumin e çokollatës, pasi një zviceran konsumon deri në 10 kilogram në vit. Ndërkohë shqiptarët nuk cilësohen ndër popujt që shquhen për konsumin e çokollatës. Në vitin 2022 kanë hyrë në Shqipëri rreth 518 mijë kg çokollatë, ose rreth 5.4 kg për person.
Lajme të tjera
-
Kek me karrota, limon dhe çokollatë me qumësht nga zonja Albana
12 Maj 2023, 12:06 -
Kek me portokall dhe çokollatë nga zonja Albana
27 Prill 2023, 11:54 -
Ju pëlqejnë çokollatat? Zbuloni nëse mund të konsumohen kur marrin shtresën e bardhë në sipërfaqe
8 Dhjetor 2022, 19:02
