Sot shënohet Dita Ndërkombëtare e të Drejtave të Njeriut. Deklarata Universale për të Drejtat e Njeriut, e miratuar nga Asambleja e Përgjithshme e Kombeve të Bashkuara më 10 dhjetor 1948 në Palais de Chaillot, Paris, lindi si përgjigje ndaj tmerreve të Luftës së Dytë Botërore dhe përfaqëson përpjekjen e parë globale për të artikuluar mbrojtjen e atyre të drejtave që shumë persona besonin se ishin të drejta themelore që i takojnë të gjitha qenieve njerëzore.
Përmes një postimi në Facebook, Presidenti Bajram Begaj përkujton këtë ditë duke thënë se janë dashur shumë përpjekje e janë sakrifikuar shumë jetë derisa është mbërritur te Deklarata Universale e të Drejtave të Njeriut. Përmes thënies së Nënë Terezës e cila thoshte: “Të Drejtat e Njeriut nuk janë një privilegj i dhënë nga qeveria, ato janë të drejtat e çdo qenie njerëzore nga virtytet e njerëzimit të tij", Begaj thotë se kjo është ditë kujtese dhe mesazhi që të gjithë kemi përgjegjësi për të garantuar dhe mbrojtur të drejtat e çdo qenie njerëzore.
"Miliona njerëz në botë, sot nuk i gëzojnë të drejtat universale për shkak të një sëre pabarazish dhe padrejtësish të sistemeve politike, për shkak të luftërave, të gjuhës së urrejtjes, diskriminimit, dhunës dhe mungesës së tolerancës ndaj dallimeve. Ne shqiptarët e dimë mirë se çfarë është gjuha e urrejtjes, e diskriminimit dhe e dhunës, prandaj apelojmë me forcë, me qëllim që gjithësecili të ndjehet i detyruar për respektimin e të drejtave të të gjithë njerëzve, pa dallim të gjinisë, racës, fesë, bindjes politike, orientimit seksual, prejardhjes kombëtare apo sociale, statusit shoqëror apo çdo statusi tjetër.
Dita Ndërkombëtare e të Drejtave të Njeriut, është ndërkaq edhe një ditë kujtese dhe mesazhi që të gjithë kemi përgjegjësi për të garantuar dhe mbrojtur të drejtat e çdo qenie njerëzore. Sepse çështja e të drejtave të njeriut nuk mund të jetë çështje e një dite dhe as vetëm e një apo e disa institucioneve. Ajo është dhe mbetet çështje e gjithë shoqërisë, sepse siç ka thënë shqiptarja më e madhe në botë, e shenjta Nënë Tereza:
“Të Drejtat e Njeriut nuk janë një privilegj i dhënë nga qeveria, ato janë të drejtat e çdo qenie njerëzore nga virtytet e njerëzimit të tij”” – shkruan Begaj.
Kryetarja e Parlamentit Lindita Nikolla njoftoi se ka kërkuar ngritjen e një strukture të posatme për luftimin e parandalimin e dhunës ndaj grave dhe në familje. Mesazhe për këtë ditë dhanë edhe ambasadat e SHBA e BE, që kërkuan riangazhim për të ndërtuar një botë ku respektohen të gjithë.
Çfarë ndodhi më 10 dhjetor 1948
Asambleja e Përgjithshme e Kombeve të Bashkuara nxori dhe shpalli Deklaratën Universale pёr të Drejtat e Njeriut. Pas këtij akti historik, Asambleja ftoi të gjitha shtetet anëtare që ta shpallin tekstin e Deklaratës dhe të përpiqen që të përhapet, të paraqitet, të lexohet dhe të shpjegohet sidomos në shkolla dhe institucione të tjera edukative të të gjitha vendeve dhe shteteve pa marrë parasysh statusin e tyre politik.
Delegacioni i BE në Tiranë ka reaguar për ‘Ditën Ndërkombëtare të të Drejtave të Njeriut’ duke thënë se Dinjiteti, Liria dhe Drejtësia do të jetë tematika e këtij viti.
“Deklarata Universale e të Drejtave të Njeriut përcakton të drejtat e patjetërsueshme që kushdo i gëzon. Tematika e këtij viti është "Dinjiteti, liria dhe drejtësia për të gjithë", si një thirrje për të vepruar për të mbrojtur dhe promovuar të drejtat e njeriut”, shkruan delegacioni BE në Tiranë.
Në kuadër të Ditës Ndërkombëtare të së Drejtave të Njeriut, kryetarja e Kuvendit Lindita Nikolla ka dhënë një mesazh. Kryepalamentarja thekson rëndësinë e mbrojtjes prej dhunës me bazë gjinore dhe nga dhuna në marrëdhëniet familjare.
Kësaj dite reflektimi i parapriva me një nismë ligjore. Si deputete, dje dorëzova në Kuvend projektligjin “Për disa shtesa dhe ndryshime në ligjin nr. 9669, datë 18.12.2006, “Për masa ndaj dhunës në marrëdhëniet familjare”, të ndryshuar.
Në këtë projektligj propozoj ngritjen e institucionit të Komisionerit për mbrojtjen nga dhuna me bazë gjinore dhe dhuna në marrëdhëniet familjare.
Propozova gjithashtu që, për të koordinuar më mirë masat e programet mbrojtëse, të ngrihet Njësia e Posaçme për luftimin dhe parandalimin e dhunës ndaj grave dhe dhunës në familje.
Vizioni i institucioneve të reja do të jetë parimi i Xhefersonit se të drejtat e grave, si pjesë integrale e të drejtës së jetës, lirisë dhe arritjes së lumturisë, janë të patjetërsueshme, as mund të jepen, as mund të merren, as mund të cënohen.
10 dhjetori është për të gjithë një ditë reflektimi e beteje me vetveten.”, shkruan Nikolla.
Ambasada amerikane në Shqipëri ka reaguar për Ditën Ndërkombëtare të të Drejtave të Njeriut duke shkruar se të gjithë duhet të angazhohen për të ndërtuar një botë ku respektohen të drejtat e njeriut të të gjithëve.
“Sot, në Ditën e të Drejtave të Njeriut, ne festojmë trashëgiminë e Deklaratës Universale të të Drejtave të Njeriut dhe riangazhohemi për të ndërtuar një botë ku të drejtat e njeriut të të gjithëve respektohen kudo.
Që nga miratimi i saj më 10 dhjetor 1948, UDHR ka shërbyer si teksti themelor që ruan të drejtat e njeriut dhe liritë themelore të qenësishme për të gjithë individët, duke frymëzuar miratimin e më shumë se 70 traktateve të të drejtave të njeriut”, shkruan në Twitter ambasada amerikane në Shqipëri.
Lajme të tjera
-
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Shqipëria mbetet pa ambasador në Zvicër, Mustafa Nano jep dorëheqjen
24 Dhjetor, 22:48 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
Dita e të Drejtave të Njeriut/ Gonzato: Mungon qasja ligjore! Gratë viktima denoncuan dhunën, por nuk ka reagim
10 Dhjetor, 15:00 -
Dita Ndërkombëtare e të Drejtave të Njeriut, presidenti Begaj: Secili nga ne mund të japë kontributin e tij, veçanërisht të rinjtë
10 Dhjetor, 10:08 -
Sot ‘Dita e Rinisë’/ Begaj: Frymëzohemi nga akti politik i 'Dhjetorit 1990', për të bërë realitet aspiratën 'E duam Shqipërinë si gjithë Evropa'
8 Dhjetor, 09:22 -
Presidenca ndriçohet nga dritat e festave, kreu i shtetit i ndez bashkë me fëmijët! Koncert dhe dhurata për të vegjlit
6 Dhjetor, 19:32
