Me procesionin dhe bekimin e palmave e të degëve të ullinjve, këtë të diele të Larit, Kisha katolike nis ritet e Javës së Shenjtë e të Madhe të Pashkëve, kulmi i mbarë vitit liturgjik. Më këtë ritual, imitojmë shoqërimin e turmës e të dishepujve të cilët ndjekin Zotin Jezus që hynte në Jeruzalem.
Kisha na nxit t’i themi edhe ne ‘po’ Krishtit e të rinisemi pas Tij kudo që dëshiron të na çojë, duke ecur besimplotë në rrugën ku na prin. Liturgjia e së Dielës së Larit kremtohet duke nisur nga një vend jashtë kishës. Besimtarët mblidhen rreth meshtarit, që ua bekon rremat e larit. Më pas nis procesioni deri në Kishë aty ku fillon kremtimi i Meshës, me leximin e gjatë të Mundimeve të Krishtit. Në këtë të dielë meshtari, ndryshe nga të gjitha të dielat e tjera të Kreshmëve, vishet me të kuqe.
Zakonisht besimtarët i çojnë në shtëpi degët e palmave, të larit për t’i ruajtur si simbole paqeje, duke e shkëmbyer një pjesë me të afërmit e miqtë. Kryefamiljari mund të marrë një degëz e, pasi ta zhysë në ujë të bekuar, të spërkasë me të gjithë shtëpinë gjatë Natës pa gjumë të Pashkëve e, Ditën e Solemnitetit, sofrën festive, rreth së cilës mblidhet e gjithë familja. Në prag të Pashkëve të reja, degët e vjetra digjen e hiri i tyre përdoret për përhimjen e besimtarëve të Mërkurën e Përhime. Degët e ullirit, të cilat në Ungjill nuk përmenden, nisën të përdoren më vonë në traditën popullore, sidomos atje, ku nuk kishte palma.
Në Shqipëri kishte shumë lari e pak e aspak palma të cilat janë shumë më të vona se koha kur meshtarët katolikë e panë të arsyeshme të përdorin degët e larit për të Dielën e Palmave e, prej këndej, edhe ta quanin e Diela e Larit, siç quhet edhe sot e kësaj dite. Nga e Diela e Larit e deri në të Dielën e Pashkëve, në këtë Javë të Madhe përmblidhet kremtimi liturgjik i misterit të shëlbimit tonë: vuajtja, vdekja e ngjallja e Krishtit.
Katolikët në Shqipëri me kremtimin e Ditës së Larit kanë nisur sot Javën e Madhe të Pashkëve. Në Lezhë mesha e shenjtë u në Katedralen e Shën Nikollit.
Tingujt e kësaj kambane njoftuan besimtarët katolike në Lezhë Javën e madhe të Pashkëve.
Është e Larit dhe katolikët nisin procesionin deri në momnetin e kulminant, atë të ringjalles së Krishtit mesnatën e Pashkëve.
Dhe siç e kërkon besimi, qindra vetë morën pjesë në Katedralen e Shën Nikollit, në meshën e shenjtë të drejtuar nga Ipeshkvi i Dioqezës së Lezhës, Monsinior Otavio Vitale.
Tre, çastet kulmore të kremtimit tё Dielёs sё Larit, jane procesioni i palmave dhe i degëve të ullirit, bekimi i tyre para kremtimit tё meshёs, e më pas, gjatё liturgjisё sё fjalёs, kujtimi i mundimeve të Zotit.
Lajme të tjera
-
E Diela e Palmës, Papa Françesku nuk e lexon dot predikimin
24 Mars, 12:22 -
Fluks në pikën e kalimit kufitar të Kapshticës, vijnë qytetarët për të festuar Pashkët Ortodokse
13 Prill 2023, 11:55 -
Lezhë/ Të krishterët kremtojnë ‘Udhën e Kryqit’! Ritualit fetar i bashkohen dhjetëra besimtarë, marshuan në Kalanë e qytetit
8 Prill 2023, 09:53 -
Tiranë/ Kisha Katolike organizon për herë të parë procesionin e 'Udhës së Kryqit' në sheshin 'Nënë Tereza'
7 Prill 2023, 21:24 -
E premtja e madhe e Pashkëve, ditë lutje për katolikët
7 Prill 2023, 16:32 -
E veçantë/ Në fshatin e Lezhës ku jetojnë kalotikë e myslimanë vendoset kryqi 12 metra
3 Prill 2023, 17:09 -
Rrufeja godit statujën e Krishtit në Brazil, pamjet bëhen virale (VIDEO)
14 Shkurt 2023, 10:19 -
Pashkë në errësirë! Era dëmton linjat, pa energji fshatrat në Lezhë, Mirditë dhe Kurbin
18 Prill 2022, 16:48 -
‘Udha e Kryqit’, një javë para Pashkëve besimtarët e krishterë ngjiten në malin e Taraboshit
28 Mars 2021, 16:15 -
Pashkë në shtëpi, por me këngë e art! Artstët thyejnë monotoninë e karantinës me muzikë
19 Prill 2020, 14:34
