Besimtarët myslimanë festojnë sot Kurban Bajramin, një nga 2 festat më të rëndësishme në kalendarin e myslimanëve. Mijëra besimtarë u mblodhën sot në bulevardin 'Dëshmorët e Kombit' për faljen e namazit të Kurban Bajramit. Falja nisi në orën 06:00.
Mesazhi i kreut të KMSH-së Bujar Spahiut, shkoi për më shumë dashuri e begati në familjet shqiptare, e megjithatë nuk kurseu as thirrjet për paqe në vendet e botës që janë të përfshira në luftëra si Gaza e Palestina.
'Në emër të KMSH-së, ju uroj gëzuar Kurban Bajramin, paqe dashuri. Kjo festë sjelltë begati e mirësi në familjen e vatrat tona!'- tha Spahiu.
Edhe qytetarët e fëmijët shprehin urimet për shqiptarët nëpërmjet Report TV. Edhe në rrethe qytetarët iu drejtuan herët në mëngjes xhamive e shesheve të qyteteve për faljen e “Kurban Bajramit”.
Festa e Kurban Bajramit është të përkujtojë devocionin e Profetit Ibrahim ndaj Allahut dhe gatishmërinë e për të sakrifikuar djalin e tij, Ismailin. Besimtarët mendojnë se në pikën e flijimit, Zoti zëvendësoi Ismailin, (djalin e profetit Ibrahim) me një dash, i cili do të therej në vend të tij. Ky urdhër nga Zoti ishte një provë e gatishmërisë dhe përkushtimit të Profetit Ibrahim për t’iu bindur urdhrit të Zotit të tij, pa diskutim. Prandaj, Kurban Bajrami do të thotë festa e sakrificës.
Në varësi të vendit, festimet e Kurban Bajramit mund të zgjasin diku midis dy dhe katër ditësh. Akti i Kurbanit (kurbani) kryhet pas Faljes së Bajramit (Lutjet e Bajramit), të cilat kryhen me njerëz në Xhaminë më të afërt në mëngjesin e Bajramit.
Report Tv dhe Shqiptarja.com urojnë besimtarët myslimanë, Gëzuar Kurban Bajramin.
Besimtaret myslimane në Shkodër kanë kremtuar festën e Kurban Bajramit në sheshin kryesor të qytetit.
Myftiu i Shkodrës në fjalën e tij u ndal tek roli i familjes dhe ligjet shkatërrimtare që kerkojne të deformojnë tabanin e familjes shqiptare.
Qindra besimtarë Mysliman në Elbasan falën mëngjesin e sotëm Kurban Bajramin.
E cilësuar si një ndër festat më të rëndësishme të kalendarit islam, bashkë me Fiter Bajramin edhe këtë herë falja e Kurban Bajramit është kryer në sheshin “Gensher”.
Myftiu I Elbasanit, Agim Duka përcolli ceremoninë e faljes duke uruar besimtarët por edhe duke bërë thirrje për më shumë mirësi dhe ndihmesë ndaj njeri tjetrit.
" Duke marrë shkas dhe nga ngjarjet e fundit, kundrejt familjes dhe traditave tona të vyera, këshilloj të ruajmë vlerat fetare e kombëtare, të ruajmë familjen, të ndihmojmë njëri tjetrin, të punojmë për një tw ardhme më të mirë për veten tonë, interesi i vendit të mbizotwrojë mbi interesat personale, tu shtrijmë dorën e ndihmës të gjithë atyre që kanë nevojë. Allahu do të jetë në ndihmën tuaj, aq sa ju do të jeni në ndihmë të njëri tjetrit”,-tha Duka.
Besimtarët në shesh përcollën urime për këtë ditë të shenjtë ndërsa folën dhe për simbolikën e saj atë të bërjes kurban.
Festa e Kurban Bajramit simbolizon për besimtarët e fesë islame sakrificën e bërë nga njeriu për të fituar faljen, mëshirën dhe shpërblimin e zotit.
Festa e Kurban Bajramit u kremtua edhe në Lezhë. Me mesazhe paqeje e harmonie për njeri tjetrin si dhe lutjet për më shume begati, dhjetra besimtare mysliman falen namazin në sheshin "Gjergj Kastrioti" në qendër të qytetit.
Teksa uroj Kurban Bajramin, Imami i Xhamisë së Lezhës Armando Hoxha përcolli mesazhin e kësaj feste mjaft të rëndësishëm për kalendarin Islam.
Pas faljes së namazit besimtaret janë shpërndare, duke uruar njeri tjetrin për festen e Kurban Bajramit, për të vijuar më pas gjatë gjithë ditës me vizita tek njëri tjetri. Kurban Bajrami është një nga dy festat më të rëndësishme për besimtarët myslimanë.
Edhe besimtarët myslimanë në Fier, kanë falur që në orët e para të mëngjesit të sotëm namazin e Kurban Bajramit, ndërsa krerët myslimanë të Myftinisë kanë përcjellë urimet për paqe e harmoni mes njerëzve. Namazi u fal në orën 6:00 ndërsa ceremonisë i parapriu me fjalën e tij, myftiu i Fierit Mikel Hazizolli.
Ai përcolli mesazhin për më shumë paqe e harmoni mes njëri - tjetrit e veçanërisht më shumë vëmendje ndaj njerëzve në nevojë. Janë me qindra besimtarët myslimanë në Fier që i bashkohen riteve të kësaj feste të shenjtë në sheshin qendror të qytetit.
Lutja është kryer në pedonalen e qytetit të Beratit. Lutja filloi në orën 6 e 30 ku qindra besimtar mes tyre shumë të rinj u falën në pedonalen e qytetit. Falja e namazit u drejtua nga myftiu Beratit Bilbil Talla.
Falet namazi i Kurban Bajramit në qytetin e Korçës. Besimtarët myslimane në qytetin e Korçës i janë drejtuar xhamisë së vjetër historike Iljaz Bej Mirahori për të falur namazin e Kurban Bajramit.
Ceremonia filloi rreth orës 06:00 me ligjërata dhe më pas programi vijoi me faljen e namazit të Kurban Bajramit.
Ceremonia u mbyll me një lutje te përbashkët ku besimtarë të shumtë kanë shkëmbyer me njëri-tjetrin mesazhin e paqes, begatisë për çdo familje shqiptare.
Besimtarët myslimanë në Lushnje kanë falur Namazin e Kurban Bajramit në sheshin kryesor të qytetit. Faljen e namazit të Kurban Bajramit e ka drejtuar imami i xhamisë së Lushnjës Alban Puka.
Myftiu i Lushnjës Gramoz Blliku ka folur para besimtarëve për ditën e Kurban Bajramit si dite e devotshmërisë ndaj zotit dhe pajtimit. Ai kërkoi nga besimtarët të shtrijnë dorën e pajtimit për të pasur paqe begati e gëzim në familjet e tyre.
Edhe në qytetin e Durrësit besimtarët myslimanë kanë falur namazin e Kurban Bajramit. Falja nisi në orën 06:00, ndërsa besimtarët kanë shkëmbyer me njëri-tjetrin mesazhin e paqes, begatisë për çdo familje shqiptare.
Lajme të tjera
-
Kurban Bajrami, kreu i KMSH uron besimtarët: Zoti i madhërishëm dhëntë begati e mirësi për kombin tonë
15 Qershor, 13:28 -
Djegia e Kuranit nga 30 vjeçari irakian në Suedi ditën e Kurban Bajramit, Maroku tërheq ambasadorin për një periudhë të pacaktuar
29 Qershor 2023, 09:43 -
Prej 20 vitesh bën kurban, Lulzim Plloçi rrëfen përjetimin: Simbol devotshmërie ndaj Zotit! Bagëtia duhet mbi 6 muajsh, një pjesë mbahet për vete
28 Qershor 2023, 18:40
-
Pamje madhështore! Mbi 2.5 mln besimtarë në Haxhin e Mekës, pelegrinazhi mbledh edhe qindra shqiptarë, kostoja 6 mijë $
28 Qershor 2023, 17:57 -
Veliaj shërben drekën e Kurban Bajramit në qendrën sociale të Kombinatit: Familja e madhe e Tiranës ka mundësi për të gjithë
28 Qershor 2023, 14:25 -
U vendos armëpushimi për festën e Kurban Bajramit, palët luftuese në Sudan shkelin sërish marrëveshjen
28 Qershor 2023, 13:34 -
Sot Kurban Bajrami, uron politika! Begaj: Ditë reflektimi! Rama: Gëzuar! Tabaku e Alibeaj: Më shumë mirësi për njëri-tjetrin
28 Qershor 2023, 10:45 -
Kurban Bajrami, mesazhi i Veliajt: Të sakrifikojmë egot e mëritë, jetohet edhe pa inate e stërkëmbësha! Vizitë në selinë e KMSH-së
28 Qershor 2023, 10:36 -
Rama uron besimtarët myslimanë: Gëzuar Kurban Bajramin
28 Qershor 2023, 08:06 -
Sot Kurban Bajrami, besimtarët falin namazin në sheshin Skëndërbej! Kreu i KMSH: Kosova të gjejë durimin për të përballuar provokimet në veri
28 Qershor 2023, 06:47 -
Sot Kurban Bajrami, Begaj: Gëzuar, t’i japim njëri-tjetrit dashuri dhe mirësi! Basha: Sakrifica dhe durimi, mënyrat e afrimit me Zotin
27 Qershor 2023, 22:27 -
Nesër Kurban Bajrami, besimtarët do e falin namazin në Sheshin Skëndërbej
27 Qershor 2023, 21:00
