Ligjvënësit e Kuvendit të Shqipërisë do të mblidhen sot për seancë plenare me një rend dite të ngjeshur. Në rend dite është parashikuar zhvillimi i 5 interpelancave të thirrura nga Partia Demokratike.
PD kërkon sqarime nga ministri i Mjedisit Sofjan Jaupaj për administrimin 102 kontejnerëve me mbetje toksike që ndodhen në periferi të qytetit të Durrësit. Interpelancë është kërkuar dhe me ministrin e Brendshëm, post që tashmë i përket Ervin Demos, të cilit PD i kërkon shpjegime për pretendimet se Policia e Shtetit ka përdorur forcë në arrestimin e qytetarëve gjatë protestave.
Opozita ka kërkuar interpelancë dhe me ministren e Arsimit Mirela Kumbaro, ministrin e Infrastrukturës dhe Energjisë Enea Karakaçi dhe atë të Shëndetësisë Klodiana Spahiu. Kjo e fundit do të pyetet mbi krijimin e Operatorit të Shërbimeve të Integruara që do të administrojë koncesionet në shëndetësi si dhe furnizimet me barna.
Një prej pikave më të rëndësishme të rendit të ditës është dhe votimi i formulës së re për përllogaritjen e pagave të magjistratëve. PD ka kërkuar të hiqet nga rendi i ditës dhe të vijojnë konsutimet me magjistratët.
Sistemi i drejtësisë është në kolaps pasi qeveria ka bllokuar në Thesarin e Shtetit pagat për muajin gusht. Drafti i PS parashikon një rritje me rreth 8500 lekë për rrogën referuese të magjistratëve, ndërkohë që pretendimi i tyre, i miratuar edhe nga KLGJ e KLP, është 9-fish më i lartë, rreth 80 mijë lekë më e lartë. Por, magjistratët thonë se drafti është në kundërshtim me vendimin e Gjykatës Kushtetuese.
Ndërkohë, mazhoranca socialiste ka rrëzuar kërkesën e PD për ngritjen e një Komisioni Hetimor për veprimtarinë e kompanisë “KAYO”.
Lajmi në përditësim....
Kliko këtu për të lexuar rendin e ditës...
Protestuesit janë mbledhur para Parlamentit, teksa ka nisur seanca plenare.
Disa prej tyre janë ulur në rrugë.
Pasi Gjykata e Hagës dënoi me 81 vite burg 4 liderët e UÇK-së, deputetët e grupit parlamentar të PD-së janë shfaqur me simbolet e UÇK-së ndërsa shkonin në Kuvend.
Gjesti synon të shprehë solidaritetin e tyre me ish-drejtuesit e UÇK-së dhe me Kosovën.
Foto: Gazment Bardhi dhe Taulant Balla
Mazhoranca socialiste ka rrëzuar kërkesën e PD për ngritjen e një Komisioni Hetimor për veprimtarinë e kompanisë “KAYO”. Kreu i Grupit Parlamentar të PS, Taulant Balla gjatë Konferencës së Kryetarëve ka deklaruar se kërkesa e demokratëve nuk plotëson kriteret kushtetuese dhe ligjore.
Sipas Ballës, nga pikëpamja përmbajtësore, kërkesa nuk individualizon një “çështje të veçantë”, siç kërkohet nga Kushtetuta, pasi objekti i hetimit është konceptuar në mënyrë tepër të gjerë dhe përfshin një sërë çështjesh të ndryshme, pa përcaktuar qartë faktet konkrete që duhet t’i nënshtrohen hetimit parlamentar.
Kryetari i Grupit Parlamentar të PD, Gazment Bardhi deklaroi në Konferencën e Kryetarëve se kompania KAYO ka shpenzuar rreth 34 milionë euro nga buxheti i shtetit dhe kërkoi transparencë mbi mënyrën e përdorimit të këtyre fondeve, kontratat dhe aktivitetin e kompanisë.
"Çdo komision hetimor ka për qëllim mbledhjen e informacionit. Ndryshe, për çfarë do të duhej komisioni? Në kërkesë kemi dhënë të gjitha informacionet dhe indiciet. Është fakt që KAYO deri tani ka shpenzuar 34 milionë euro nga buxheti i shtetit pa prodhuar asgjë. Ne nuk dimë çfarë ka përfituar shteti? Çfarë aktiviteti ka? Na rezulton që i vetmi fitues i këtyre parave është Ron Yefet, mik i Kryeministrit. Kjo del hapur në audio-përgjim dhe këtë audio-përgjim e konfirmoi kompania ku është bërë regjistrimi.
E vërteta është që individi Ron Yefet sillet si ministër i Mbrojtjes dhe e thotë hapur që ka trafik të armëve. Del hapur që u janë shitur armë vendeve në konflikt. Ne kemi thirrur ministrin në interpelancë dhe tha që kompania ka prodhuar armë dhe i ka shitur. Më pas del zv.ministrja dhe thotë nuk është prodhuar. Pra, duhet mësuar e vërteta?! Janë shpenzuar 34 milionë euro. Kështu na thatë edhe për inceneratorët, por doli që paratë digjeshin në shesh. Kemi kaq kohë që kërkojmë informacion në Ministrinë e Mbrojtjes”, tha Bardhi.
Sipas Bardhit ajo që kërkon PD-ja është të kenë informacion rreth kontratave të lidhura mes një kompanie shtetërore me kompaninë private
“Nuk jepet informacion. Refuzon ministri dhe për këtë i jam drejtuar Kryetarit të Kuvendit. Çfarë duhet të bëjmë ne, të futemi në ministri dhe të marrim dokumentatat? Për këtë arsye duhet komisioni hetimor, sepse ai i nënshtrohet Kodit Penal nëse nuk jepet informacion. Ne nuk kërkojmë asgjë tjetër, veç të mësojmë dhe të njohim kontratat e lidhura mes një kompanie shtetërore me kompaninë private. Si e gjeti KAYO individin Ron Yefet? Cila është CV-ja që ka ky njeri, veç faktit që është mik i Edi Ramës? Si përfiton ky njeri në vetëm 6 muaj 34 milionë euro?
Ne jemi të hapur për objektin e hetimit. Na thoni çfarë doni të rregullojmë. Ngritja e komisionit hetimor nuk ka nevojë për lejen tuaj, këtë na e jep Kushtetuta. Ne mund vetëm të diskutojmë objektin e hetimit”, përfundoi ai.
Kërkesa e opozitës u diskutua në Konferencën e Kryetareve, pas pretendimeve të ngritur nga PD lidhur me aktivitetin e kompanisë, kjo edhe pas publikimit të audiopërgjimeve nga ish zv. kryeministri Arben Ahmetaj, ku pretendohet për trafik armësh.
PD ka kërkuar të hiqet nga rendi i ditës propozimi i PS për pagat e magjistratëve. PD thotë se duhet të vijojë konsultimi me sistemin e drejtësisë, në një kohë kur magjistratët e kanë kundërshtuar propozimin e PS.
Presidenti Bajram Begaj, dekretoi sot shkarkimin e Besfort Lamallari nga detyra e Ministrit të Punëve të Brendshme.
Po sot, Presidenti i Republikës, Bajram Begaj, dekretoi emërimin e Ervin Demo në detyrën e Ministrit të Punëve të Brendshme.
Lajm në përditësim….
Foto: Dokumenti për dekretimin e Ervin Demos si Ministër i Brendshëm
Foto: Dokumenti për shkarkimin e Lamallarit
Lajme të tjera
-
Administrativja urdhëroi zhbllokimin e pagave të Gjykatës së Lezhës, Thesari nuk ekzekuton listëpagesat e gushtit
17 Shtator, 08:56
-
Pagat/ Prokuroria e Përgjithshme kundërshton draftin e PS: Krijon disnivele në sistemin e drejtësisë! Gjykata e Lartë: I pakonsultuar, mos e çoni nesër për miratim në Kuvend
16 Shtator, 15:20
-
Pagat e magjistratëve/ Ligjet miratojnë formulën e PS me 8 vota pro, 3 kundër! Institucionet dhe shoqatat e drejtësisë e kundërshtojnë, i bashkohet PD
15 Shtator, 14:16 -
Pagat e magjistratëve/ KLP kundër draftit të PS: Rritje minimale, nuk reflekton standardin e Kushtetueses
15 Shtator, 14:10 -
Gjykata Administrative urdhëron Ministrinë e Financave të zhbllokojë pagat e magjistratëve në Lezhë
15 Shtator, 13:44
-
Pagat e magjistratëve/ Bojkoti në Gjykatën e Kukësit lë qytetarët pa shërbime: Po tallen me ne, a ka shtet apo s’ka shtet?
15 Shtator, 13:03
-
Skënder Minxhozi: S’është puna se duan 10 mijë euro, por se sillen si pronarë të shtetit
15 Shtator, 12:00
-
‘Ngërçi me pagat, çështje inati për fitoren tonë në Kushtetuese’/ Rama: Nuk është gjuhë gjykatësi, por ultrasi që bërtet kundër VAR-it! Askush s’e zëvendëson dot Kuvendin
14 Shtator, 19:40 -
Ngërçi i pagave/ Avokati Çela: Qeveria asnjëherë nuk u ka dhënë magjistratëve atë që është përcaktuar me ligj! Fociro: Rama po ushtron presion ndaj drejtësisë, kërkon ta vërë nën kontroll (VIDEO)
14 Shtator, 17:58 -
Pagat e magjistratëve, Blushi: I garantoi Reforma në Drejtësi, trajtimi financiar është i përcaktuar me ligj
14 Shtator, 14:01 -
Pagat e magjistratëve/ Mazhoranca drejt miratimit të rritjes sa 2% e pagës së Presidentit: Ruajmë balancën në buxhet! Opozita kundër: Situata prej arrogancës së Qeverisë
14 Shtator, 13:50 -
Kriza me pagat e drejtësisë/ Rama-gjyqtarëve: Historia e botës s’e ka parë që t’i merrni vetë paratë nga Thesari
14 Shtator, 13:20
Komente
Komento