TIRANË- Shuhet në moshën 92 vjeçare kompozitori e baritoni i shquar Avni Mula, ndërsa sot u përcoll me duartrokitje në banesën e fundit.
Avni Mula, kolos i muzikës shqiptare i vlerësuar me "Artist i Popullit" dhe "Nderi i Kombit".
Ai u lind në Gjakovë më 1928. Studimet e larta muzikore i kreu në Konservatorin “Çajkovski” të Moskës (1952-1957), ku u diplomua si këngëtar lirik, bariton. Gjatë studimeve u njoh dhe u martua me sopranon ruse Nina Mula. Karrierën artistike Avni Mula e nisi menjëherë pas kthimit nga Moska si solist në Teatrin e Operës dhe Baletit, duke realizuar role kryesore të repertorit operistik të kohës, përmes së cilave u dallua për nivelin e lartë të zgjidhjeve muzikore-skenike.
Veçohen realizimet e figurës së Figaros te “Berberi i Seviljes” të Rosinit, Gjetës tek “Mrika” e Prenk Jakovës, etj. Avni Mula zhvilloi një aktivitet të pasur koncertal brenda dhe jashtë Shqipërisë. Veprimtarinë krijuese e nisi në gjysmën e dytë të viteve 60', fillimisht në fushën e këngës e të romancës dhe më pas si autor i veprave të mëdha vokale-koncertale, kantata, poema vokale dhe skenike, ku veçohen opereta “Karnavalet e Korçës” dhe opera “Borana”.
Firmën e tij mbajnë edhe shumë këngë të muzikës së lehtë, mes të cilave “Valsi i lumturisë”. Është babai i dy vajzave artiste, Adelinës pianiste dhe sopranos Inva Mula.
Sopranoja e njohur Inva Mula e përlotur dhe me zërin e dridhur ka folur shumë shkurt në ceremoninë e të atit, kompozitorit te njohur Avni Muli i cili ndërroi jetë një natë më parë. “Këtu filloi arti i lirisë. Rroftë arti, rroftë Avni Mula, rroftë arti shqiptar”, u shpreh Inva Mula.
Ministrja e Kulturës, Elva Margariti ka shprehur ngushëllimet për ndarjen nga jeta të kolosit të muzikës shqiptare, Anvi Mula teksa shtoi se është e trishtuar që në këtë periudhë artistët nuk po mund të përcillen në banesën e fundit siç meritojnë.
"Kjo periudhë nuk e di nëse është pandemie që na ka bërë më sensibël dhe i është shtuar dozës së trishtimit, si në aktivitet dhe mos pasja e mundësisë që ta përcillnim ashtu siç do kishim dëshirë. Jam besim që vepra që kanë lënë pas është një vepër që u flet të gjithë brezave, por edhe tek të rinj. Homazhet te Universiteti i Arteve është një simbolikë që flet dhe dialogon edhe më mirë dhe për të zgjuar ndërgjegjësimin e tyre që nuk e i kemi fizikisht, janë për ne nder i kombit, jo thjesht fjalë që duhet thënë, por një realitet që edhe të rinjtë do e përcjellin gjithnjë e më tepër në veprat e tyre", tha Margariti.
I pranishëm në homazhet e mbajtur në hollin e Akademisë së Arteve ishte edhe kryedemokrati Lulzim Basha, i cili tha se është një dhimbje e madhe, por edhe një ditë krenarie që kombi ynë pati në gjirin e tij një artist si Avni Mula.
"Një dhimbje e madhe, por është një ditë krenarie që kombi ynë pati në gjirin e saj një artist si Anvi Mula dhe kjo është ndër të paktat raste kur ceremonia shoqërohet me muzikë, artin e tij dhe t'i lutemi Zotit që t'i prehet shpirti në paqe", tha Basha.
Kompozitori Robert Radoja e ka të vështirë që t'i gjejë fjalët për ndarjen nga jeta të Avni Mulës. Mes lotësh, ai vë theksin se në jetën e tij Mula ka luajtur një rol shumë të rëndësishëm.
"Shumë e vështirë për të gjetur fjalën e duhur sepse e kam pasur mësues, prind, shok, koleg, këshilltar dhe ndihmë gjithë jetën time, është shumë e vështirë të flasësh, të gjesh fjalën e duhur", tha kompozitori Robert Radoja.
Komente
Lajme të tjera
-
Koncerti 'Shtigjet e dashurisë', Inva Mula, Genc Tukiçi dhe Olen Cesari performojnë në kalanë e Porto Palermos
6 Gusht, 09:04 -
Korçë/ ‘MIK Festival’ mbledh kolosët e muzikës franceze, organizatorja Inva Mula: Këtë vit kemi sjellë larmi muzike
14 Korrik, 16:41
-
Korçë, nis edicioni i 7-të i MIK Festival! Inva Mula: Sjellim pas 70 vitesh operetën “Agimi”
12 Korrik, 15:42
-
Netët magjike në Korçë, rikthehet ‘Mik Festival’ nga sopranoja Inva Mula
5 Korrik, 18:06 -
Avni Mula, rikthimi në Lice përmes romancave! E bija mbledh veprat e kompozitorit, Adelina: Nga dorëshkrime me laps tani në duart e artistëve, punuam me Invën
13 Janar, 20:58
-
Simon Gjoni, ‘Luleborë’ 'e rikthen' në Opera përmes veprës! I biri: Iku i plotësuar! Emocione me 'Bjeshkëzo', Nina e Inva Mula 'bashkë' në këngë
27 Tetor 2023, 17:51
-
‘Mik Festival’ ul siparin në Korçë! Tenori Gjergji Mani rikthehet pas 15 vitesh: Emocion! Inva Mula: Ndodhi magjia e madhe
31 Korrik 2023, 16:15
-
Nga homazhi për ikonën lirike, Jorgjia Truja tek deputetja këngëtare greke, festivali ‘MIK’, tri netë magjike në Korçë! Inva Mula: Arti e kujtesa, misioni im
27 Korrik 2023, 15:50
-
‘Karnavalet e Korçës’, Përmbushet amaneti i Avni Mulës, pas Tiranës shfaqja jehonë edhe në Korçë
5 Mars 2023, 19:24
-
Ati, Inva e vajza Nina! Mulajt, tri breza në art! Gjithçka ndodhi me ‘Karnavalet’, sopranoja: S’është koincidencë, babai më dha bekimin para se të shuhej!
4 Mars 2023, 20:47
-
'Karnavalet e Korçës' mbërrijnë në Tiranë pas 45 vitesh, drejtoresha e TKOB në Report Tv: Shfaqje që nuk duhet humbur, emrat më të njohur të artit shqiptar
22 Shkurt 2023, 20:07 -
'Ky teatër lidhet me qenien time e prindërit', Inva Mula në 'Opera' si regjisore, vendos në skenë veprën e të atit: Biseda me të në ditët e fundit! Ishte si bekim
20 Shkurt 2023, 16:13
MOS u merzit shume moj margariti ,,se ty do te percjellim denjesisht me klarinete si shkatarruese e teatrit....
PërgjigjuPaksa modesti nuk do te bente keq.Te quhet Avni Mula kolos i muzikes, mendoj qe ekzagjerohet.Por, per aq sa u ka dhene kultures Shqiptare, meriton rrespekt dhe nderim.
PërgjigjuJu prefte shpirti ne paqe dhe i perjetshem kujtimi per legjenden e muzikes shqiptare te madhin Avni Mulen
PërgjigjuNgushellime vajzave, familjes se madhe Mula, artisteve dhe gjithe dashamiresve te artit per humbjen e te madhit Avni Mula. Nuk e kuptoj ky gomari i presidences pse pa maske?? Fatkeqesi qe shkel ne kete ceremoni ky hajdut
Përgjigju