POP 5

Lajmet më të lexuara të 5 minutave të fundit

Kultura

Aktori Viktor Zhusti nderohet me 'Medaljen e Mirënjohjes' në 81-vjetorin e lindjes! Veliaj: Përulje për punën e jashtëzakonshme

I njohur për rolet e tij të spikatura, aktori Viktor Zhusti në 81-vjetorin e lindjes u nderua me “Medaljen e Mirënjohjes” nga kryebashkiaku Veliaj..

Aktori Viktor Zhusti nderohet me 'Medaljen e Mirënjohjes' në 81-vjetorin e lindjes! Veliaj: Përulje për punën e jashtëzakonshme

Viktor Zhusti, dhe Erion Veliaj

Ka luajtur partizanin e ashpër, por edhe babain e dhembshur, të riun përpara dilemave, por edhe të dashuruarin që mundohet të tejkalojë paragjykimet. Viktor Zhusti mbush sot 81 vjeç, dhe për kontributin e tij, kryebashkiaku Veliaj e nderoi me “Medaljen e Mirënjohjes”.

“Ky është një moment për të shprehur mirënjohjen, respektin, falenderimin për kontributin tuaj të jashtëzakonshëm. Na keni emocionuar, kemi qeshur, kemi qarë, jeni i paharrueshëm për shqiptarët. Në emër të gjithë djemve e vajzave të këtij qyteti, burrave e grave, doja t’ju falënderoj që jeni pjesë jo vetëm e memories sonë të përbashkët, por edhe përditshmërisë sonë, në një teatër modest, siç është Teatri i Metropolit, për të cilin mezi pres që të bëjmë më shumë investime”, u shpreh Veliaj.

“Ju falënderoj nga zemra juve, veçanërisht Teatrin Metropol, i cili ka qenë ndoshta streha më e ngrohtë për artistët vitet e fundit, si dhe gjithë spektatorët e jashtëzakonshëm të Tiranës, të cilët më kanë rrethuar me dashuri dhe besoj se më kanë dhënë shumë më tepër nga sa u kam dhënë unë. Prandaj, mbetem gjithmonë borxhli ndaj jush, ndaj Teatrit Metropol, dhe ndaj gjithë njerëzve. Shumë faleminderit!”, tha aktori Zhusti.

Viktor Zhusti ka lindur më 8 dhjetor të vitit 1942 në Athinë. Ai njihet për rolin e Alberit te “Shi në plazh”, Pandeli Sotirin te Nëntori i dytë, babain tek “Taulanti kërkon një motër”, ndërsa numëron role të tjera të spikatura tek filmat “Kur xhirohej një film”, “Dhe vjen një ditë”, “Malet me blerim mbuluar”, e shumë të tjerë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dhendri i Besnik Bekteshit: 08/12/2023 15:12

    E di Erioni qe Zhysti eshte i denuar per trafik droge ne Greqi? Apo prandaj po e dekoron?

    Përgjigju
    • Gjykatesi: 13/04/2024 17:23

      Gjyq politik do ti besh Viktorit si ne kohen e xhaxhit? Behet fjale per vlerat e tij si artist dhe eshte i shkelqyer, i spikatur.

    • ndreca: 08/12/2023 17:19

      Ca more llafos??? A ji ne meter a jo a? Viku a nderi tan shkypnies

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27