30 mijë maturantë testohen në matematikë! Nxënësit e 'Qemal Stafës' shkarkojnë stresin duke kërcyer! Tezat publikohen 20 minuta pas nisjes së procesit
Maturantët kaluan në testin e shifrave të matematikës këtë të martë. 20 minuta pasi nisi provimi, u publikua teza e pyetjeve dhe më pas ushtrimet e zgjidhura. Report TV ishte me maturantët e shkollës ‘Qemal Stafa’ të cilët para provimit shkarkuan emocionet me valle dhe muzikë. Provimi i fundit është ai i lëndës me zgjedhje më 19 qershor
Enxhi Musaj 13 Qershor 2023, 08:56 | Përditesimi: 13 Qershor 2023, 18:35
Matematika ishte testi i radhës i Maturës Shtetërore. Emocionet e streset e një provimi të cilësuar si më i vështiri ndër vite, maturantët e Gjimnazit ‘Qemal Stafa’ i hoqën si fillim me pak muzikë e kërcim.
Pas çlirimit nga ngarkesa emocionale nisi provimi. As matematika nuk i shpëtoi dorës misterioze që publikon tezat e provimeve. Si fillim në 20 minutat e para doli varianti parë i tezës e më pas ushtrimet e zgjidhura ‘pushtuan’ rrjetin.
Një tjetër hetim që shton Ministria e Arsimit përballë këtij fakti, por ende nuk ka asnjë autor të vënë para përgjegjësisë edhe për precdentët e mëparshëm.
Por në Gjimnazin ‘Qemal Stafa’ maturantët thonë se administrimi ishte i rreptë.
“Çdo gjë shkoi mirë dhe administratorët ishin në rregull. Çdo gjë ishte e pajisur me kamera.”
“Nuk na lanë as për kopje. Plus presioni i kamerave.”
“Çdo administrator ishte përmbi kokë dhe nuk kishim mundësi.”
Sipas nxënësve provimi ishte i nivelit mesatar me pyetje brenda programit mësimor, megjithatë ankthi për rezultatet e provimit do vijojë deri në daljen e përgjigjeve.
“Po, i bëmë, përveç disa pyetjeve që kishim shumë frikë. Në përgjithësi i bëmë të gjitha ushtrimet.”
“Kanë qenë nivel mesatar dhe hartimi ka qenë mjaft i mirë dhe pyetjet kanë qenë të kuptueshme. Mendoj se do marr 9.5 se e di që kam lënë disa gjëra të vogla.”
“Shumë i thjeshtë. I bëra të gjitha për 1 orë e 30 min.”
“Ishte provim për çdo nivel të mundshëm”.
Maturantëve u ka mbetur tashmë provimi i fundit i Maturës Shtetërore, ai i lëndës me zgjedhje, më 19 Qershor. Ndërsa veçojmë se në provimin e lëndës gjuhë e huaj kalueshmëria ishte 96.17% ndërsa nota mesatare 7.6 me ngelës në këtë provim të 1043 maturantë nga 30 mijë që futën në testim. Nota 10 u mor nga 384 maturantë.
Rendit zhvillimet sipas orarit:
Ora 10:22
Matura shtetërore 2023, teza e Matematikës publikohet në rrjet 20 minuta pas fillimit të provimit
1 / 5
2 / 5
3 / 5
4 / 5
5 / 5
Rreth 20 minuta pas nisjes së provimit të Maturës Shtetërore për lëndën e matematikës, është publikuar sërish njëri prej varienteve të tezës.
E njëjta gjë ndodhi edhe në provimin e anglishtes dhe atij të letërsisë.
Turpi i radhez per arsimin shqiptar.Mjere femijet tane qe jetojne ketu dhe arsimohen ketu.
Përgjigju