Në prag të supersfidës çerekfinale të Champions League mes Real Madridit dhe Bayern Munich (sot 21:00), trajneri i bavarezëve, Vincent Kompany ka dhënë lajme pozitive për gjendjen e sulmuesit kryesor Harry Kane.

Kapiteni i Anglisë është rikthyer në stërvitje pas një dëmtimi në kyçin e këmbës dhe sipas Kompany, ai është në dispozicion për ndeshjen e parë, megjithëse vendimi për aktivizimin nga minuta e parë do të merret vetëm në momentet e fundit.

“Ishte e rëndësishme që ai u stërvit. Nuk mendoj se e ka humbur ritmin. Do të presim deri dhe më pas do të vendosim nëse do jetë gati për ta hedhur në fushë nga minuta e parë”, u shpreh tekniku belg në konferencën për shtyp.

Kompany theksoi gjithashtu vështirësinë e përballjes ndaj 'Galaktikëve', duke e cilësuar si një nga transfertat më të vështira.

“Kjo është hera ime e parë këtu si trajner, por kemi përvojë në ndeshje të tilla. Rezultati do të varet nga taktikat, por mbi të gjitha nga detajet dhe cilësia individuale", tha ai.

Trajneri i Bayern Munich konfirmoi se skuadra është përgatitur në detaje për kundërshtarin, duke analizuar edhe paraqitjet e Real Madridit ndaj Manchester Cityt në raundet e mëparshme.


Lajmi kryesor:

Finale e parakohshme në Champions League, Real Madridi luan sot kundër Bayern Munich në 'Bernabeu'! Arsenali udhëton drejt Portugalisë