Receta

Spageti Carbonara me proshutë dhe vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 27 Tetor 2023, 11:59 | Përditesimi: 27 Tetor 2023, 12:01

Spageti Carbonara / Spageti me proshutë guanciale dhe vezë

Përbërësit:

320 gr spageti
150 gr proshutë guanciale
6 të verdha vezësh
50 gr djathë Pecorino Romano
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Vendosim një tenxhere me ujë të kripur në zjarr për të zier makaronat sipas minutazhit të përcaktuar në paketim. Ndërkohë, heqim lëkurën nga guanciale dhe e presim fillimisht në feta dhe më pas në shirita 1-2 cm të trasha dhe i skuqim për rreth 15 minuta në zjarr mesatar duke bërë kujdes që të mos digjet.

Hedhim të verdhat e vezëve në një tas, shtojmë pjesën më të madhe të djathit (lemë pak për servirje) pak piper dhe i rrahim mirë. Shtojmë një lugë gjelle ujë të zier për të holluar masën dhe e përziejmë. Kullojmë makaronat al dente direkt në një tiganin me proshutën, i trazojmë mirë që të aromatizohen. E largojmë tiganin nga zjarri dhe hedhim masën me vezë dhe djathë. I përziejmë shpejt, për ta bërë më shumë kremoze, nëse është e nevojshme, mund të shtojmë pak ujë nga makaronat. I servirim menjëherë të ngrohta spërkatur me piper të freskët dhe djathë të grirë.

MC/Shqiptarja.com

TAG: