TIRANË- Të gjithë ndërkombëtarë, njëzëri e kanë cilësuar ngritjen e Strukturës së Posaçme Anti Korrupsion, si një hap shumë të rëndësishëm për Reformën në Drejtësi.
SHBA-ja vë theksin se ky institucion i iri i Drejtësisë duhet t'i japë fund epokës së të "paprekshmëve" që nga zyrtarët e lartë e deri tek bota e krimit dhe se për këtë ka mbështetjen e pakushtëzuar.
Nga ana tjetër, ambasadori i Bashkimit Europian, Luigi Soreca dhe ai i Gjermanisë, Peter Zingraf, shtojnë se ngritja e SPAK është thelbësore për rrugën e Shqipërisë drejt BE-së.
Bashkimi Evropian përmes ambasadorit në Tiranë, Luigi Soreca, përshëndeti përzgjedhjen e Arben Krajës në krye të SPAK.
"Sot është me të vërtetë një ditë e rëndësishme për reformën në drejtësi në Shqipëri. Këshilli i Lartë i Prokurorisë sapo ka emëruar drejtorin e SPAK, zotin Arben Kraja. Dhe Gjykatat e SPAK, Gjykata e Posaçme kundër korrupsionit dhe krimit të organizuar, dhe të Apelit, fillojnë punën sot me 18 gjyqtarët e parë të caktuar nga Këshilli i Lartë Gjyqësor", shkruan Soreca në një postim në Twitter.
Shtetet e Bashkuara të Amerikës kanë bërë një reagim të dytë pas vetimit të prokurorëve të SPAK në Presidencë, duke i hapur rrugë kështu ngritjes së institucionit më të ri nga reforma në drejtësi. SHBA-të thonë se janë krah Shqipërisë dhe reformës në drejtësi prej miratimit të saj në vitin 2016, dhe se do të qëndrojnë krah vendit tonë për t'i dhënë shqiptarëve një sistem transparent të drejtësisë.
"Shtetet e Bashkuara qëndruan krah Shqipërisë kur reforma në drejtësi u miratua në 2016-ën. Ne ishim aty kur filloi procesi i vetingut dhe ndërsa themeloheshin këshilli i lartë gjyqësor dhe këshilli i lartë i prokurorisë. Edhe sot, i Ngarkuari me Punë Daniel Koski ishte aty ndërsa tetë prokurorët e rinj të Strukturës së Posaçme Anti-Korrupsion dhe Krim i Organizuar (SPAK) bënë betimin e tyre përpara Presidentit Ilir Meta. Shtetet e Bashkuara do vazhdojnë të qëndrojnë në krah të atyre që janë angazhuar për t’i sjellë shqiptarëve sistemin etik dhe transparent të drejtësisë që ata të gjithë meritojnë. Reforma ne drejtesi", shkruhet në një njoftim të ambasadës amerikane shpërndarë në faqen zyrtare në rrjetin social Facebook.
Shefja e ONM-së, Genoveva Ruiz Calavera ka reaguar lidhur me betimin e 8 prokurorëve të SPAK. Në një reagim të shkurtër, Calavera shkruan se ngritja e kësaj strukturë të Posaçme është një hap thelbësor për të luftuar korrupsionin dhe krimin e organizuar.
"Mirëpresim ngrohtësisht betimin për tetë anëtarët e parë të SPAK. Një hap thelbësor për të luftuar korrupsionin dhe krimin e organizuar në Shqipëri", shkruan Calavera.
Njëjtë si SHBA dhe BE, edhe Gjermania e ka konsideruar ngritjen e SPAK si një moment të rëndësishëm për Reformën në Drejtësi, teksa përgëzuar dhe uruar prokurorët e rinj për marrjen e detyrës.
"Përshëndes betimin e tetë prokurorëve të strukturës speciale në luftën kundër korrupsionit dhe krimit të organizuar (SPAK). Nisja e veprimtarisë së SPAK-ut shënon një hap tjetër të rëndësishëm të reformës gjithëpërfshirëse të sistemit shqiptar të drejtësisë. U uroj prokurorëve të SPAK-ut shumë forcë dhe energji për këtë detyrë të rëndësishme. Lufta e konsoliduar kundër korrupsionit dhe krimit të organizuar është një ndër çelësat për progresin e mëtejshëm në procesin e integrimit në BE. Gjermania do të vazhdojë të jetë në krah të Shqipërisë në këtë rrugë si një partner i ngushtë i saj", shprehet ambasadori gjerman Zingraf.
"Një moment shumë i rëndësishëm për Reformën në Drejtësi". Kështu e përkufizon ambasadori i Bashkimit Europian, Luigi Soreca, ngritjen e SPAK. Soreca thekson se lufta e korrupsionit dhe krimit të organizuar është kyçe për rrugëtimin e vendit drejt BE-së.
"Mirëpresim betimin e 8 prokurorëve të SPAK para presidentit. Tani ata janë gati të nisin punën. Një tjetër moment i rëndësishëm për zbatimin e Reformës në Drejtësi. Lufta kundër Korrupsionit dhe organizimit të krimit është përparësia kryesore për Shqipërisë dhe rrugën drejt anëtarësimit të BE-së", shkruan Soreca.
Ambasada Amerikane ka përshëndetur ngritjen e SPAK, teksa vë thekin se ky institucion i ri i drejtësisë do u japë fund epokës së "të paprekshmëve". Në reagimin e tyre, Ambasada përsëriti se Shqipërisë ka partner të palëkundur SHBA-në në luftën e saj kundër korrupsionit dhe krimit të organizuar.
"Shtetet e Bashkuara përgëzojnë tetë prokurorët të cilët u betuan këtë mëngjes si anëtarët e parë të Zyrës së Prokurorisë së Posaçme, duke shënuar një hap të rëndësishëm në themelimin e Strukturës së Posaçme Anti-Korrupsion dhe Krim i Organizuar (SPAK). Nga dita e sotme, Shqipëria ka një organ prokurorësh të angazhuar për të identifikuar, hetuar dhe vënë përpara drejtësisë zyrtarë të kaluar apo aktualë dhe bosë të krimit – individë që në kohët e vjetra janë konsideruar si të paprekshëm. Ndërsa Shqipëria nis një fazë të re të zhvillimit të saj demokratik dhe ligjor, Shtetet e Bashkuara do të mbeten një partner i palëkundur në mbështetje të SPAK dhe të të gjithë atyre që kërkojnë ti japin fund pandëshkueshmërisë dhe të sjellin drejtësi për popullin shqiptar", shkruan amabasada Amerikane.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26
Kam pritur te vinte ky momente.URIME SPAKUT.organi me i larte i drejtesise shqiptare.kunder krimit te organizuar.Me besim te plote tek ju.Mos na zhgenjeni.Ju kerkojme te vendosni linje KOMUNIKIMI E NR TEL.
PërgjigjuKam shume vite qe kam pritur kete momente shume te rendesishem per te vendosur drejtesine mbi krimin e organizuar ne shqiperine tone.Ju kerkoj me insistim te vendosni linjen e KOMUNIKIMIT TELEFON-ANDRESE .URIME E KRAHE CELNIK NDAJ KRIMIT 30 VJECAR.
PërgjigjuMesa u moren leket e piramidave do vendoset dhe drejtesia ne republiken socialisto-komuniste shqiptare.SPAKU barazi me KAKU ose shqip... albanez qe ska me i ik era per qindra vjet se kan bo femije kuçedrat si monika kryemadhi me shoke.
PërgjigjuSi eshte e mundur qe krijimi i spak eshte mirepritur nga te gjitha partite..mos e do funksionoje kunder popullit kjo strukture??
PërgjigjuGod bless America
PërgjigjuAMIN,,AMEN,,AMAN SE NA E NXINE JETEN,,ATE SALIUN, METEN,BASHEN, MOR AMAN....
PërgjigjuKeni mundesi te kapni nje faqe te re per kete vend te shumevuajtur.. Ju jeni e vetmja shprese..
PërgjigjuMire e the, mik. Duhen shpejt disa rezultate te prekshme per te ringjallur shpresen e te jetuarit akoma ne kete vend.