Morën rryshfet për të mos ushtruar kontrolle në disa biznese, arrestohet drejtori i Tatimeve në Korçë dhe një specialist

KORÇË- Drejtori i Tatimeve në Korçë, Thoma Tontonozi dhe një specialist Stjuart Bardhoshi janë arrestuar ditën e sotme me akuzën e korrupsionit.

Një muaj hetime, të drejtuara nga SPAK kanë zbuluar skandalin dhe janë siguruar prova të shumta se Tontonozi së bashku me Bardhoshin kanë marrë ryshfet nga disa biznese për të mos kryer kontrolle për konstatimin e shkeljeve apo shmangieve të detyrimeve tatimore.

Si prova u janë gjetur një sasi lekësh, por edhe dokumente që vërtetojnë implikimin e drejtorit dhe specialistit në këtë veprimtari korruptive. Operacioni për arrestimin e tyre është bërë nga Drejtoria Vendore e Policisë Korçë nën drejtimin e SPAK-ut, teksa vijojnë hetimet për kapjen e personave të tjerë që mund të jenë përfshirë në këtë skandal.

Ndaj Thoma Tontonozi dhe Stjuart Bardhoshi rëndon akuza për veprën penale "Korrupsioni pasiv i personave që ushtrojnë funksione publike”.

Njoftimi i plotë i Policisë
"Finalizohet operacioni policor i koduar "Tatimi".Operacioni nga Drejtoria Vendore e Policisë Korçë nën drejtimin e SPAK-ut. Vihen në pranga Drejtori i Drejtorisë Rajonale të Tatimeve Korçë dhe një specialist i regjistrimit. Operacini në kuadër të procedimit penal të referuar nga Sektori për Hetimin e Krimeve në DVP Korçë. Në vijim të punës për parandalimin, evidentimin dhe goditjen e paligjshmërisë, Sektori për Hetimin e Krimeve në DVP Korçë, ka referuar materialet në Prokurorinë  e Posaçme Kundër Korrupsionit dhe Krimit të Organizuar për veprën penale “Korrupsioni pasiv i personave që ushtrojnë funksione publike”.

Në funksion të këtij procedimi nga Sektori për Hetimin e Krimeve në DVP Korçë, nën drejtimin e Prokurorit të çështjes, u bë i mundur finalizimi i  operacionit policor të koduar "Tatimi", në kuadër të të cilit u bë kapja dhe ndalimi i shtetasve:
• Th. T., 58 vjeç, banues në Korçë, me detyrë Drejtor i Drejtorisë Rajonale të Tatimeve Korçë.
• S. B., 39 vjeç, banues në Korçë, me detyrë specialist i regjistrimit pranë Drejtorisë Rajonale të Tatimeve Korçë.

Për këta shtetas, Gjykata e Posaçme e Shkallës të Parë për Korrupsionin dhe Krimin e Organizuar, bazuar në provat e sigurura gjatë hetimit nga ana e Sektorit për Hetimin e Krimeve në DVP Korçë nën drejtimin e Prokurorit të SPAK, ka vendosur masën e sigursë “Arrest në burg” për dy shtetasit e mësipërm.

Hetimet për këtë procedim penal janë kryer nga Seksioni për Hetimin e Krimit Ekonomik dhe Financiar në DVP Korçë, intesivisht për një muaj nën drejtimin e Prokurorit të çështjes dhe gjatë finalizimit të operacionit, janë gjetur dhe sekuestruar një sasi vlere monetare dhe dokumentacion që vërteton implikimin e dy punonjësve në veprimtari korruptive.  Këta shtetas kundrejt rryshfetit i kanë premtuar disa subjekteve për të mos ushtruar kontroll të thelluar për konstatimin e shkeljeve apo shmangieve të detyrimeve tatimore. Nën drejtimin e SPAK, vijonë hetimet për evidentimin e personave të tjerë të implikuar në këtë veprimtari korruptive.

Rendit zhvillimet sipas orarit:
Ora 18:35
Ky është specialisti i Tatimeve në Korçë që paguhej nga bizneset për të mos i kontrolluar (FOTO)

1598545564_Stjuartbardhoshi2.jpg

Ky është Stjuart Bardhoshi specialisti i Tatimeve i cili është arrestuar ditën e sotme me akuzën për korrupsion. Bardhoshi së bashku me drejtorin e Tatimeve, Thoma Tontonozi merrnin ryshfet për të mos bërë kontrolle ne disa biznese.

Ora 17:46
FOTO/ Kush është drejtori i Tatimeve në Korçë që u arrestua sot! Merrte ryshfet nga bizneset për të mos ushtruar kontrolle

1598543142_3701797321913077710920191119688967520780288o001.jpg

Report Tv ka siguruar foto të drejtorit të Tatimeve në Korçë, Thoma Tontonozi i cili u arrestua ditën e sotme me akuzën për veprën penale “Korrupsioni pasiv i personave që ushtrojnë funksione publike”. Ai ka marrë ryshfet për nga disa biznese për të mos kryer kontrolle për konstatimin e shkeljeve apo shmangieve të detyrimeve tatimore.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 29/08/2020 10:27

    Beson vertet njeri se shqiperia do behet?

    Përgjigju
  • edi: 28/08/2020 11:57

    Po mir mo Andi,duke vene pasuri keta pasurohet dhe ministri biles pak me shume se i merr kuoten te gjitheve.

    Përgjigju
  • Qytetari: 28/08/2020 08:34

    Keta jane cironka, peshqit jane ne Parlament, Qeveri, Bashki, Presidence! Keta jane dy mjeranë. Te gjithe drejtoret e institucioneve jane te korruptuar, dmth i kap kur te duash. Puna eshte do kapim te mëdhenjtë ne fillim pastaj keta te vegjëlit nuk do gjejne vrime miu ku te futen. Zhduken vete. Kjo qe po ben qeveria dhe SPAK duket thjesht nje propagandë, butafori si cdo gje ne Shqipëri!

    Përgjigju
  • Liku: 28/08/2020 08:02

    I lumte rrocka te dyve sepse fajin e ka shteti asnje tjeter... Ne kohen e atij koleres berisha policit ijepje 200 leke erdhi edi Rama duan 5000 e lart edhe ndonje I njohur we I merr sepse bejne si te veshtire te rrugores... Sepse rroga e tyre ishte per te qare hallin me 400 mij leke te vjetra ne muaj... Bejani o ju qifsha ropt sic jan ne greqi minimalja 1000 euro edhe bejani burg per 5 vjet pa rekurs e pa gjykate apeli e te larte ankimimi... Edhe e shikojne pastaj keto kelysha marrin Apo smarrin por I shfrytezoni njerezit jasht orarit si skllever I terhiqni zvarre neper mitingje elektorale me detyrim edhe prisni pastaj te Jen figura te pastra. Sepse I arrestoni I nxirrni neper gazeta edhe pas dy muajsh I nxirrni... O mbajini ne burg per ate krim ose mos I arrestoni fare. Sepse edhe un Po te Isha nese do me jepej mundesia di merrja sepse te ardhurat nga rroga nuk dalin ketu ne kete komb rrumpalle. Zoterinjt as I njoh as me njohin thjesht mendimi im personal. Fajin se Kan ato e ka qeveria moterqire me ca pqlaco qe bejne te kulluar edhe te paster moralisht edhe ja Kan pire gjakun ketij kombi edhe vazhdojne tja pijne...

    Përgjigju
  • Rolandi: 28/08/2020 07:08

    Po si nuk shkoi njerinte punoje ne kete vend?' Faj keni edhe ju si media.... po shume faj madje psr nuk investigoni ne institucioni po jeni ber si zedhenese. Kudo vetem vidhet ne cdo institucion te Ministrise se Financave jane drejtoret qe ka lene Arben Ahmetaj jane hajduter me cizme! Ishalla sekretari i ri Oltion Muzaka i zhduk te gjithe te marri situaten ne dore se ata qe ishin para tij e kishin mendjen te mbushnin xhepat!

    Përgjigju
  • Edison: 28/08/2020 07:03

    TURP punonjes shteti Ministria Anila Denaj ka ardh koha ose te iki vete ose te zhduki ter drejtoret hajdute. Jo vetem ne rrethe po edhe ne Tirane bejne namin. Cdo drejtori varesie e Ministrise ka drejtues te paafte. Te tere mbajne postet me dhurata e leke te skeretari i pergjithem ose Ministria. TURP TURP TURP! Edhe tollonat e naftes i duan per vete mire tenderat!

    Përgjigju
  • Corruption: 28/08/2020 06:00

    Ja e Verteta e 30 Viteve Demokraci Nje Drejtor Qerrexhi , I PA LARE ,I PA SHKOLLUAR ,KOKE LESH , QE EDHE KUR E TAKON TE VJEN PER TE VJELLE , GABEL KO4CE ME KOSTUM SPORTIV ,NXHYRA ,VERDHE ,JESHUL,KUQ E ZI, DREJTOR ,, OOOO TOKE SI I PRANON AKOMA KETA NJEREZ QE JU JANE MBYLLUR SYTE , NGA HIPNOTIZIMI I INJORANCES TOTALE.

    Përgjigju
  • Inspektori: 28/08/2020 01:23

    Po drejtoret e Tiranes kur do i ndiqni penalisht? Jane nje grup biznesesh qe " cuditerisht " me pronare te gjithe mallakastriote ( Ballshi) qe nuk e rruajne fare nga kontrollet dhe as presin ndonjehere kupon tatimor. Denoncime ka pafund per keta keqberes por qe askush nuk vepron.

    Përgjigju
  • vjeshta: 27/08/2020 22:00

    Ore, e imagjinoni një në në zyrë me surratin e tyre? Syri don pjesën e tij. Thojnë italianët! I shihni surratat e tyre? Janë pasqyrim i shoqërisë shqiptare! Dhe po nuk qe i tillë je jashtë tufës, dhe të ha ujku. Ikin këta të dy dhe vijnë dy të tjerë.

    Përgjigju
  • KORCARI: 27/08/2020 21:10

    KONFISKIM PASURIJE QELBESIRAVE

    Përgjigju
  • Rrapi: 27/08/2020 21:00

    Ne gjithe Shqiperine, drejtoret e tatimeve jane militante qe bejne leke duke bere kontrolle fikrive dhe marrin rryshfet per te mbuluar shkeljet skandaloze qe po rrenojne buxhetin e shtetit. Nuk behet shteti me keta soj nepunesash rilindas e demokrat qe betohen mbi partine dhe xhepin.

    Përgjigju
  • Drejtori: 27/08/2020 19:29

    Kur do te lirohen???????

    Përgjigju
  • Andi: 27/08/2020 17:57

    Faj ka Ministri te Ministria e Financave tere drejtoret e pergjithshem jane skandaloz krejt jane tu vu pasuri kane nga 3-4 vjet e ripen popullin dhe shtetin. Ka drejtori te vogla ku behet nami!

    Përgjigju
  • Sondazhi i ditës:

    Vaksinim administratës e punonjësve të qendrave tregtare deri më 31 dhjetor dhe dozë e tretë për mbi 18-vjeçarët! Jeni dakord me vendimet e Komitetit?



×

Lajmi i fundit

John

Abuzimet seksuale me të mitur, sociologu Tusha në 'Studio Live': Si një prind duhet të mësojë një fëmijë që të dallojë një pedofil! Zgjidhje kastrimi ose regjistër për abuzuesit