POP 5

Lajmet më të lexuara të 5 minutave të fundit

Bota

Spanja/ U sekuestruan 11 tonë kokainë, mes 20 të arrestuarve shqiptarë, kolumbianë e spanjollë! Detaje të reja

Policia spanjolle sekuestroi dy ngarkesa me 11 tonë kokainë që po trafikoheshin nga “karteli ballkanik” me qëllimin për tu shpërndarë në tregun e BE-së gjatë krishtlindjes

Spanja/ U sekuestruan 11 tonë kokainë, mes 20 të arrestuarve shqiptarë, kolumbianë e spanjollë! Detaje të reja

Foto nga droga e sekuestruar në Spanjë

Policia spanjolle sekuestroi dy ngarkesa me 11 tonë kokainë që po trafikoheshin nga “karteli ballkanik” me qëllimin për tu shpërndarë në tregun e BE-së gjatë krishtlindjes.

“Në një javë, ne kemi arritur të heqim 11ton kokainë nga tregu”, tha kreu i Brigadës Qendrore të Njësisë për Drogën dhe Krimin e Organizuar në policisë spanjolle, Antonio Martínez Duarte.

Sipas Euronevvs, të dy ngarkesat, po transportoheshin nga organizata kriminale shqiptare ndërsa në pranga gjatë dy operacioneve kanë rënë 20 persona. Arrestimet u kryen nga fundi i nëntorit deri ditën e djeshme, ndërkohë që shumica e të dyshuarve janë shqiptarë, një kokumbian, një domenikan dhe disa spanjollë, përfshirë edhe biznesmenin e peshkut që dyshohet se ka bashkëpunuar me trafikantët.

Policia tha se droga erdhi nga Kolumbia nëpërmjet Ekuadorit dhe u zbulua në kontejnerë që kishin mbërritur në portet e Vigos, në Galicia dhe Valencia. Në operacionin e parë, në Vigo, policia sekuestroi 7.5 ton kokainë të fshehur në fileto peshku të ngrirë. Kjo ishte kapja më e madhe e bërë ndonjëherë në rajonin spanjoll që ka shërbyer prej kohësh si një portë kalimi për kokainën nga Amerika Latine për në Evropë.

Operacioni i dytë, në Valencia, rezultoi në sekuestrimin e 3.4 tonë kokainë të fshehur në fundet e dyfishta të kontejnerëve që po transportoheshin me anije.

Zyrtari i policisë spanjolle bëri të ditur se të dy operacionet nuk kanë lidhje me njëri-tjetrin, veç faktit se organizatat që qëndrojnë pas trafikimit të kokainës janë me origjinë shqiptare", pjesë e atij që njihet si “Karteli ballkanik”. Duarte ka shtuar më tej se këto organizata janë vendosur në vendet e origjinës së kokainës në Amerikën Latine dhe kontrollojnë transportin e drogës nga nisja deri në mbërritje.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12