Bilanci i përmbytjeve në Spanjë është tragjik me 95 të vdekur, kryesisht në zonën e Valencias.
Shirat e rrëmbyeshëm dhe përmbytjet e papritura kanë goditur jugun dhe lindjen e vendit ku në 24 orë sipas autoriteteve ka rënë sasia e reshjeve që zakonisht bie në një muaj.
Pamjet që vijnë nga Spanja janë apokaliptike, pasi u godit orët e fundit nga një valë e dhunshme e motit të keq me shira të rrëmbyeshëm dhe përmbytje të papritura që goditën provincën e Valencias, zonën jugore dhe lindore të gadishullit Iberik.
Roja Civile konfirmoi se 4 nga viktimat e para që kanë mundur të rekuperojnë janë fëmijë, të cilët u gjetën në lokalitetet Torrent, Chiva, Cheste, Alfafar dhe Alcudia, më të prekurit nga shirat e rrëmbyeshëm, sipas shërbimeve të urgjencës të cituar nga agjencia Efe.
Ndërkohë, njësitë e ushtrisë po marrin pjesë në operacionin e shpëtimit. Sipas përditësime të fundit të paktën 38 mijë persona kanë mbetur pa energji elektrike, njofton kompania e energjisë elektrike Ibedrola.
Linja hekurudhore midis Valencias dhe Madridit kanë pësuar dëme të forta ndërsa shumë zona krahas mungesës së energjisë elektrike kanë mbetur edhe pa valë telefonike. Edhe Barcelona, zona e katalonjës në tërësi, ka ngritur gjendjen e alarmit, pasi stuhia po afrohet në jug të Spanjës.
Pasojat e përmbytjeve në Spanjë, 'pirgu' i makinave pas stuhisë
Rëndohet bilanci i viktimave nga moti i keq në Spanjë, prej stuhisë DANA që ka përfshirë vendin prej ditës së djeshme.
Numri i të vdekurve nga përmbytjet e mëdha në Valencia ka shkuar që goditën Spanjën juglindore është rritur në 95, një shifër që mund të rritet sepse ka "shumë të zhdukur".
Kështu deklaroi ministri i Politikës Territoriale, Angel Victor Torres.
“Shifra e përditësuar është 92 persona që vdiqën në Komunitetin Valencias, dy në Castilla La Mancha dhe një person tjetër në Andaluzi, për një total prej 95 personash”, tha Torres për televizionin publik TVE, duke paralajmëruar se “këto janë të dhëna të përkohshme”, sepse “për fat të keq gjithçka sugjeron se kjo shifër është e destinuar të rritet”. Deri tani raportohen dhjetëra të zhdukur.
Por edhe Katalonja ka aktivizuar alarmin e kuq për shkak të rrezikut të një “stuhie ekstreme” në orët e ardhshme. Këtë e raportoi shtypi lokal. Sipas shërbimit meteorologjik, në të gjithë zonën mund të ndodhin akumulime të mëdha shiu, episode breshëri mbi dy centimetra në diametër, erëra që kalojnë 25 kilometra në orë dhe tornado.
Kryeministri Edi Rama ka reaguar lidhur me përmbytjet masive që kanë përfshirë Spanjën, duke shprehur ngushëllimet e tij për popullin spanjoll dhe veçanërisht për familjet e viktimave.
Në reagimin e tij, kreu i qeverisë shprehet se Shqipëria është e gatshme për të ofruar ndihmën e saj.
"I tronditur thellë nga përmbytjet e rënda që prekën zonat e Valencias, Andaluzisë dhe Murcias në Spanjë, fatkeqësia më e keqe natyrore, duke vrarë të paktën 51 njerëz. Ngushëllimet e mia shkojnë për familjet e viktimave. Duke i dërguar forcë dhe solidaritet popullit dhe qeverisë së Spanjës! Ne dëshirojmë që të gjitha komunitetet e prekura të shërohen shpejt dhe të jenë të gatshëm për të ndihmuar”, shkruan ai.
Deeply shocked by the severe floods affecting the areas of Valencia, Andalusia and Murcia in Spain, the worst natural disaster, killing at least 51 people. My condolences and sympathy go out to the families of the victims. Sending strength and solidarity to the people and…
— Edi Rama (@ediramaal) October 30, 2024
Lajme të tjera
-
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Rafael Nadal tërhiqet zyrtarisht nga tenisi
20 Nëntor, 22:27 -
Në kërkim nga autoritet shqiptare, i riu vetëvritet në Spanjë! Mik i ngushtë i Cllevio Serbianos
20 Nëntor, 10:37 -
Pjesë e grupit që xhironte 10 mijë euro kokainë në ditë, 32-vjeçari shqiptar kapet në Spanjë dhe ekstradohet në Itali! E shpërndanin me makina luksoze të shpejta
18 Nëntor, 17:05 -
Të paktën dhjetë të vdekur pas zjarrit në një shtëpi të pleqve në Spanjë
15 Nëntor, 12:30 -
Reshje të dendura shiu, përmbytet jugu i Portugalisë, uji 'pushton' rrugët dhe shtëpitë! Shkaktohen dëme materiale (VIDEO)
15 Nëntor, 10:18 -
Jugu i Italisë goditet nga moti i keq, përmbytje në Siçili (VIDEO)
14 Nëntor, 15:04
-
Spanjë/ Rikthehen përmbytjet, Malaga më e rrezikuara! Mbyllen shkollat dhe evakuohen banorët
13 Nëntor, 22:31 -
PËRMBYTJET/ Kryebashkiaku i Vlorës: Do bëjmë ‘presion’ në Qeveri për investime në kanalet e ujërave të larta
13 Nëntor, 09:26 -
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
2024 pritet të jetë viti më i nxehtë në histori
10 Nëntor, 20:12
