Receta

Speca me gjizë, mrekulli për shijen nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Shtator, 11:46 | Përditesimi: 20 Shtator, 11:49

Speca me gjizë

Përbërësit:

500 gr speca të kuq
1 domate me tul
500 gr gjizë
2 kokrra vezë
1 filxhan kafeje qumësht
4-5 lugë supe vaj ulliri
2-3 thelpinj hudhër
Pak rigon dhe majdanoz
Pak arrë moskat
Kripë, piper i zi
Vaj për skuqje

Përgatitja:

LEXO EDHE:
Pulë me oriz në furrë nga zonja Albana

Për këtë recetë mund të përdorim speca të kuq, të gjatë ose të rrumbullakët, speca të verdhë dhe speca jeshilë me tul. Pastrojmë fillimisht specat nga bishti dhe farat dhe i skuqim në tigan me vaj. Ndërkohë në një tigan tjetër hedhim pak vaj ulliri, hudhrën e grirë imët dhe e kaurdisim pak, sa të aromatizohet vaji. Hedhim gjizën në tigan dhe e kaurdisim, shtojmë më pas qumështin, piperin e zi, rigonin, arrën moskat, domaten e grirë në kubikë, vezët dhe majdanozin. I përziejmë mirë dhe e kontrollojmë për kripë. Largojmë tiganin nga zjarri. Mbushim mirë specat e skuqur me gjizën e përgatitur dhe i vendosim nëpër pjata.

Këtë recetë mund ta përgatisim dhe në një mënyrë tjetër duke i mbushur specat të papjekur me përzierjen e gjizës dhe me të gjithë përbërësit e tjerë. Edhe në këtë rast, hudhrën e kemi kaurdisur pak më përpara. I vendosim specat në një tavë dhe i fusim në furrën e ngrohur për t'u pjekur për 30 minuta në 180 gradë.

MC/Shqiptarja.com

TAG: