Receta

Spinaq në shtrat miell misri, recetë për 5 minuta nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 24 Mars 2022, 12:22

Tavë me spinaq

Përbërësit:

1 kg spinaq

LEXO EDHE:
Bakllava me kadaif dhe arra nga zonja Albana

2 qepë të thata

4-5 lgj vaj ulliri

1 gotë qumësht

200 ml pana

2-3 lgj miell misri

200 gr djathë të bardhë

200 gr djathë kaçkavall të grirë

½ tufë kopër

½ tufë majdanoz

250 ml ujë

Arrë moskat

Kripë, piper

Përgatitja:

Në një tigan me 2 lugë vaj ulliri kaurdisim qepët e grira imët. Në një tas vendosim spinaqin, hedhim pak vaj ulliri, shtojmë qepën e kaurdisur, panën, qumështin, djathin kaçkavall, djathin e bardhë të thërrmuar, koperën, arrën moskat, kripën dhe piperin.

Lyejmë një tavë me pak vaj ulliri, e spërkasim me miell misri dhe shtojmë masën e spinaqit. E nivelojmë me lugë dhe shtojmë sipër rreth 250 ml ujë të nxehtë. E mbulojmë të gjithë pjesën e sipërme me miell misri, e spërkasim me pak vaj ulliri dhe e vendosim tavën në furrë të parangrohur në temperaturën 200 gradë për 30 minuta. Pasi t’a nxjerrim tavën nga furra e mbulojmë me një pecetë që të qëndrojë e butë dhe më pas e servirim.

MC/Shqiptarja.com

TAG: