organizuar ditën e shtunë, datë 18 Janar nga Klinika Fitthealth dhe Akademia Ndërkombëtare e Nutricionit Klinik.
“Nën kujdesin e Presidentit të Kongresit, Prof. Dr. Carmelo Rizzo dhe Dr. Albana Daka, shefe e Rrjetit Laboratorik në Spitalin Amerikan, në këtë kongres morën pjesë mjekë të shquar nga vendi, personalitete të Fakultetit të Mjekësisë dhe institucioneve të tjera mjekësore”, thuhet në njoftimin e shpërndarë nga Spitali Amerikan në Tiranë.
Sipas njoftimit të Spitalit Amerikan, disa nga temat më të rëndësishme dhe me interes që u referuan në këtë kongres ishin, “reaksionet ndaj dietës ushqimore; ndjeshmëria ndaj glutenit; diagnostikimi i alergjive inhalatore nëpërmjet testit kutan; diagnostikimi i intolerancave ushqimore; obeziteti, epidemia në rritje etj”.
“Ky kongres shënoi një hap të rëndësishëm në informimin për mirëushqyerjen, reagimet e organizmit ndaj ushqimeve bazë, njohjen dhe diagnostikimin e alergjive inhalatore, intolerancat ushqimore”, ka bërë të ditur zyra e shtypit në Spitalin Amerikan në Tiranë.
(Në foto: Gjatë kongresit për reagimin e organizmit ndaj ushqimeve bazë)
Redaksia online
(ac/shqiptarja.com)