POP 5

Lajmet më të lexuara të 5 minutave të fundit

Opinion

S’po kërkohen negociata me PD dhe LSI, por dialog me studentët...

Po kërkohet dialog, me cilindo djalë apo vajzë-studente, pedagog e pedagoge që realisht është i shqetësuar dhe ka një ide për ndryshime të thella në sistemin universitar të vendit. “Tarifat” janë një çështje tërësisht e plotësueshme, madje e tejkalueshme, por këtë herë mbi bazë meritë, kurrë më si qokë për parazitë partie.

S’po kërkohen negociata me PD dhe LSI, por dialog me studentët...

Foto nga protestat studentore te Ministria e Arsimit

Nuk ka kërkuar e nuk po kërkon kush negociata! Me kërkënd! As që ia vlejnë negociatat me PD e LSI; nuk duan zgjidhje, nuk duan ndryshim.

Janë ata që kontrollojnë qeverisjen e universiteteve dhe kanë përgjegjësinë kyçe të partizimit, për pasojë rrënimit të tyre-posaçërisht duke i denatyruar nga qendra dijesh në reparte militante ku partia respektive rekruton apo bën qokat e saj.

Shqip, duan pushtet, asgjë tjetër. Madje jo vetëm ata! Po kërkohet dialog, me cilindo djalë apo vajzë-studente, pedagog e pedagoge që realisht është i shqetësuar dhe ka një ide për ndryshime të thella në sistemin universitar të vendit. “Tarifat” janë një çështje tërësisht e plotësueshme, madje e tejkalueshme, por këtë herë mbi bazë meritë, kurrë më si qokë për parazitë partie.

Po a mjafton kjo? Joooo! Nga viti 2014 deri në fund të këtij viti janë 31.4 miliardë lekë nga Buxheti i Shtetit paguar për arsimin e lartë-universitetet; 38.8 miliardë lekë do arrijnë këto pagesa në fund të vitit 2019;

Po pyes përsëri; Ç'i keni bërë këto para?! Por mbi të gjitha: Po pyes përsëri: Ç'i keni bërë këto para?! Por mbi të gjitha: Cili është produkti që kemi marrë prej tyre?

Ne kemi një plan për të rritur edhe më financimin e arsimit; Por pyetja që mbetet është e njëjta: Cili do të jetë produkti?

Për këtë duhet dialoguar! Kush nuk dëshiron të ndryshojë gjendjen në universitete po bllokon me hir e me pahir dialogun; Kanë frikë nga ndryshimi, ju shkatërron pushtetin partiak e krejtësisht regresiv në universitete. Ata i shohin studentët hem si bankomat për korrupsionin partiak, hem si ushtarë për betejat e tyre.

Asgjë më shumë se kaq! Mendoni për vete, shokun, shoqen, ata edhe më të rinj se ju, të ardhmen tuaj e të ardhmen e tyre; Dialogoni! Nuk duam të ndryshoni as nga mendimet tuaja, fare. Nuk ju duam as për partinë e as në parti, fare! 

Ju duam këtu në Universitet e më pas në punë! Ju duam për Universitetin, është i juaji, jo i partisë! 

Kaq! 

VO: Dhe një gjë, për ju që vini nga familje në vështirësi, thuajse të pamundura për të mundësuar studimet tuaja: Vërtetë ju emocionojnë lavdet e kalamajve të oligarkëve? Vërtetë mendoni se këta mendojnë për ju? Joooooo! Mendojnë për babin e mamin pushtetekonomik humbur...

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Brace Mavria: 09/12/2018 21:41

    Brace pse nuk dole e fole kur votohej Ligji I Arsimit Larte po e votove me te dy duart. Ky ligj u be per oligarket. Ku eshte pare qe te financohen privatet me taksat e popullit

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54