Start up-et, Ibrahimaj: Më 16 shkurt hapet thirrja e parë

 

Ministrja e Shtetit për Sipërmarrjen dhe Klimën e Biznesit, Delina Ibrahimaj bërë të ditur sot se qeveria ka miratuar vendimin që i hap rrugën zhvillimit të ekosistemit të startup-eve. Ibrahimaj tha për mediat se përmes fondeve do të mbështeten startup-et në tre faza të tyre.

Ibrahimaj, u shpreh se thirrja do të hapet më 16 shkurt dhe qëndron e hapur për 30 ditë, ndërsa tregoi kategoritë që mund të marrin pjesë në këto projekte. Kjo masë tha ajo synon nxitjen e ideve dhe kthimin e tyre në shërbim të biznesit dhe ekonomisë.

Ibrahimaj tha se qeveria shqiptare ka planifikuar 3 milionë euro që do të shkojnë në mbështetje të projekteve dhe start up-ve.

"Parashikohet të mbështeten 50-80 projekte, ndërsa fondi në total mbi përkrahjen e startup-eve dhe lehtësuesve për vitin 2024 është 3 milion euro. Në fazën fillestare mbështetja shkon deri në 1.5 milion lekë maksimalisht dhe mund të aplikojë çdo individ që ka një ide.

Në fazën e dytë mbështeten subjekte që kanë një vit që operojnë në treg, pra që kanë dorëzuar një vit pasqyra financiare e kanë krijuar një prototip dhe nëpërmjet fondeve ata mund të zhvillojnë prototipin, i cili duhet të jetë i tregtueshëm. Në këtë fazë, mbështetja financiare arrin maksimalisht 4.5 milion lekë.

Faza e tretë përfshin ato subjekte që tashmë kanë një prototip të zhvilluar, që është i tregtueshëm, por ende ka nevojë për financim që të rritet apo ndërkombëtarizohet. Mbështetja financiare në këtë fazë shkon deri në 9 milion lekë", tha Ibrahimaj. 

Lajmi kryesor:

Shkëmbim studentësh Shqipëri – Kosovë, ministrja e Arsimit: 30 bursa në vit! Bashkëpunim edhe për kërkimet shkencore

SI.E./r.k./Shqiptarja.com

TAG:
• ogerta manastiliu
• ministria e arsimit