Stefano De Martino rrëfen emocionet
kur mësoi se Belen ishte shtatzënë

Disa momente nuk mund t'i harrosh. Dhe në majë të listës së kujtimeve të paharrueshme për Stefano De Martino, është momenti kur Belen Rodrigues i tha: "Jam shtatzënë". Ishte vjeshta e 2012-ës, djali i tyre i parë lindi në prill të 2013-ës.

"Santiagon [djali], e kemi dëshiruar gjithnjë dhe më në fund mbërriti. Nuk e di sa para kemi shpenzuar duke blerë teste shtatzënie, blinim shumë. Një ditë ishim në një hotel në Toskana dhe ajo më kërkoi t'i blija një tjetër. Dhe unë nuk e di pse, mbase e parandjeja, por bashkë me testin i bleva dhe një buqetë me lule.

Një gjest jo i zakontë për mua, pasi nuk jam romantik, Belen më qorton gjithnjë për këtë. Në atë moment erdhi njoftimi më i bukur: "Unë isha përpara kompjuterit, ajo doli nga banja, u hodh drejt meje mbi krevat dhe ma tha. Unë ngela i ngrirë, përpiqesha të kuptoja sa kishte ndryshuar jeta ime."

Nga ajo ditë kanë kaluar 3 vite, ai dhe shoëgirl argjentinase janë burrë e grua prej 2 vitesh dhe Santiago është gjithçka për ta. "Forca ime është të qëndruarit me këmbë në tokë. Qendra e vëmendjes në jetën time do të jetë gjithnjë familja; gruaja dhe djali im." 

Redaksia Online
(m.p/shqiptarja.com)