Sterkaj, Ristanit: Mbrojte djalin
e Enverit kur doja ta arrestoja

TIRANE- Në mbledhjen e tij të dytë Komisioni Hetimor për lëvizjet në Policinë e Shtetit në 4 muajt e fundit u përfshi në batuta mes
deputetëve PS në drejtim të kryetarit të komisionit Arben Ristani, duke i thënë se “mazhoranca e majtë nuk do të pengojë opozitën në këtë komision, siç demokratët kanë bërë kur ishin në pushtet."
 
Ndërkaq, Stërkaj iu drejtua Ristanit “t'i Ristan kur kam arrestuar djalin e Enver Hoxhës ishe në shtëpinë e tij, dhe ti ke qenë duke e mbrojtur. Pra i ke shërbyer Enverit atëherë dhe tani po i shërben Berishës, Enverit të dytë. Por harron që ne nuk jemi në KQZ.”

Sot Komisioni diskutoi për planin paraprak hetimor dhe rregulloren e Kuvendit.

E ndërsa rregulloja u miratua me konsensus, debate pati edhe për planin hetimor. Për socialistët, nuk duhet që të përfshihet në hetim SHISH dhe Kontrolli i Brendshëm. Por demokratët argumentuan se objekti hetimor i një komisioni është i pakufizuar.
 
Megjithatë nuk u sqarua ende se kur do të mblidhet seanca e radhës, ndërkohë komisioni e përfundon punën e vet në datën 6 prill.
 

Komisioni, që do të hetojë mbi emërimet dhe shkarkimet në Polici për periudhën 15 shtator 2013-31 janar 2014.
Dy ditë më parë, në mbledhjen e parë konstituuese u miratua Ermonela Felaj sekretare e komisionit. Ky hetim do të përfshijë verifikimin e largimeve, transferimeve dhe punësimeve të reja në polici, si dhe pasojat që kanë sjellë këto ndryshime në garantimin e sigurisë publike. Veprimtaria e komisionit do të përfundojë brenda datës 6 prill 20114.

Redaksia Online
(e.s/sg/shqiptarja.com)

TAG:
• kqz