RAJMONDA BULKU
Jemi mësuar ta shikojmë në ekran si një aktore me bukuri të rrallë të performojë role të cilat janë theksuar në memorien tonë...Sot e shohim të veshur me petkun e deputetes, me një stil klasik plot sharmë dhe elegancë. Ajo përcjell një vision të ri të femrës shqiptare. Përdor ngjyrat e errëta apo tone të ftohta që i shkojnë më së miri portretit të saj. Nuk riskon shumë me aksesorë apo bizhutë.
LUIZA XHUVANI
Aktorja simpatike shumë e njohur Luiza Xhuvani e pozicionuar tashmë dhe ajo në rolin e deputetes. Përfaqësohet me një stil klasik të thjeshtë dhe strict. Ngjyrat e errëta të njëtrajtshme,nuk luan me prerjet apo dizenjot. Ajo nxjerr në pah seriozitetin dhe përgjegjshmërinë që kasideputete në opozitë….por do t’i sygjeroja znj. Xhuvani të miksojë në veshjen e saj ndonjë detajë me ngjyrë të ngrohtë si e kuqja apo pinku për të nxjerrë pozitivitetin femëror që ajo mbart në vetvete.
(Në foto aktorja e njohur shqiptare Luiza Xhuvani)
VALBONA KURTI
Gazetare dhe moderatore e njohur në televizion. Valbona Kurtin e shohim të përfaqësuar me një stil të thjeshtë klasik herë pas here të kombinuara me ngjyrat e lehta dhe të buta të pranueshme për ekranin…… por ajo që do ti sygjeroja znj. Kurti të ketë kujdes me dekolten, pasi ekzagjerimi i saj mendoj që nuk i takon pozicionit të saj në ekran. Nuk jam kundër dekoltes në një veshje kasual…përkundrazi në një dekolte të bukur ajo bëhet më sensual, por kur flasim për ekranet i ka e sanksionuar i jep një ton serioz dhe prestigjoz televizionit që ajo përfaqëson.
JULI XHOKAXHI
E shohim të pozicionuar si moderator simpatike dhe profesioniste ne ekranin e “ABC news”. Një ikonë tjetër e këtij tv vjen me një stil të personalizuar… me një klas të rafinuar dhe ngjyra të mira të paracaktuara ajo pozicionohet si një gazetare me sharm dhe finese. E kuruar si në veshje dhe krehje ajo i shton vlerat jo vetëm figurës së saj por dhe ekranit.
Shkrimi u botua në numrin e sotëm të suplementit "THASH&THEM" të gazetës "Shqiptarja.com"
Redaksia Online
(xh.k/shqiptarja.com)