Pa mbërritur në limitet e afateve ligjore, Ilir Meta shkoi e dorëzoi për Tiranën një listë kandidatësh për Këshillin Bashkiak sipas marrëveshjes me Sali Berishën. U deshën më pas një mori memesh e gallatash që Berisha ta thërriste Metën në zyrë nja tre herë dhe kësisoj lista me ‘gjenitë’ u shkartis me të Rithemelimit.
Ky nuk është ndonjë shqetësim kushedi së çfarë për votuesit, por së paku tregon sesi edhe brenda koalicionit fjala ‘pazar’ është më e pakta që mund t’ia emërtosh marrëdhëniet që kanë. Më normalja është që Saliu u bë qesharak dhe i kërkoi ca emra në listë, një po e një jo. Kjo tregon seriozitetin që kanë përballë shqiptarëve. Asgjë zyrtare, asgjë morale. Veç listë pas liste në KQZ për të kompleksuar njëri-tjetrin.
Tashmë që zgjedhjet lokalë janë në prag të fushatës zyrtare, ka një qasje të tmerrshme të Sali Berishës ndaj hapësirës publike. Madje, ose ne e keqkuptojmë 14 Majin, ose kryetari i Rithemelimit e ka fushatën e fundit të jetës së tij politike. Teksa e gjithë vëmendja është kthyer në Tiranë, kryesisht për shkak të numrit të lartë të kandidatëve dhe jo për rezultatin e pritshëm, Sali Berisha e ka kapur mikrofonin më fortë se kurrë. Kandidati i tij dhe i Ilir Metës hedh një fjalë tutje-tëhu për autobusë falas, dhe mbetet si meme në TikTok.
Shkon në një treg fshatarësh dhe merr 500 like në Facebook. Takon ca njerëz në rrugë te njësia 3 e shoqërohet me të korruptuarit e sportit. E kështu më radhë. Dhe paralel me këtë panoramë të vakët, qendron Sali Berisha që mbledh gazetarët dy herë në javë. Të hënën u thotë që Inceneratorët janë afera më e madhe e këtij shekulli. Pastaj të premten u thotë së afera më e madhe e këtij shekulli është Porti i Durrësit.
Është e kuptueshme se secili në opozitë po bën garë për hesapin e tij. Që nga pod-casti ku Saliu fliste gjysmë ore për xhaxhain, e gjer te bashkëbisedimet me premtime për trefishim pagash. 76 vite rrojti Enver Hoxha dhe bënte pikërisht këto muhabete: “Xhaxha Hyseni ishte si baba për mua. Ai ishtë nënshkrues i aktit të pavarësisë”. Këtë tonin të kohëve moderne e ka kapur pak me vonë të paktën, 79 vjeç. Dhe në podcast rrëfente se i pëlqente xhaxhai se vishej bukur para 100 vjetësh. Pikërisht ky, njeriu që Shtetet e Bashkuara të Amerikës nuk e duan as nëpër këmbë, e jo më në politikë, shfaq guxime të tepruara sa herë i del një mikrofon para.
Sali Berisha me gjasë ka ngatërruar fushatë, ndryshe nga partneri i tij. Teksa Ilir Meta merret me Luçianon, Saliu tregon se ç’do të bëjë kur të rikthehet si kryeministër. Është e çuditshme se ku i gjen krahasime për veten. Herë Ronald Regan, e herë Xhobs. Siç tha ai së fundmi: Do rikthehem si Stiv Xhobsi pasi e hoqën nga puna dhe i dha botës iPad-in! Pastaj fati i dy idhujve të tij është histori tjetër… Po nejse!
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37
Urra rrofte Edi Rama. E ke qa artikullin. Bajat fare.
Përgjigju