BE vijon të përcjellë falënderimet e saj ndaj Shqipërisë për vendimin për strehimin e afganëve. Këtë herë falenderimet janë përcjellë përmes ambasadorit Luigi Soreca gjatë një takimi me ministren e Jashtme Olta Xhaçka dhe ministrin e Brendshëm Beldi Çuçi.
Dy ministrat thotë Soreca, e kanë informuar për përgatitjet e vazhdueshme për pritjen e afganëve. Në postimin e tij Soreca nënvizon se me 2 ministrat ka folur për çështje të rëndësishme si statusi i tyre ligjor, kontrollet e sigurisë dhe lirisë së lëvizjes. Në fund ambasadori thekson se populli afgan meriton të jetojë në siguri, mbrojtje dhe dinjitet. Kujtojmë se ligji parashikon që refugjatëve mund t’u kufizohet lëvizja edhe për arsye të tjera, konkretisht kur lind nevoja për të verifikuar identitetin dhe shtetësinë e tyre, kur ekziston rreziku i ikjes së tyre si dhe kur kanë nisur proceduat për kthimin e tyre.
“Diskutime të mira sot me ministrat Olta Xhacka dhe Bledi Cuci në Shqipëri. Unë përsërita lavdërimin nga BE për gatishmërinë e Shqipërisë për të siguruar strehim të përkohshëm për afganët në nevojë. Të dy ministrat më informuan për përgatitjet e vazhdueshme për pritjen e afganëve të pambrojtur. Ne prekëm cështje të rëndësishme të statusit të tyre ligjor, kontrolleve të sigurisë dhe lirisë së lëvizjes. Populli afgan meriton të jetojë në siguri, mbrojtje dhe dinjitet”, tha Soreca.
Fluksi i afganëve në aeroportin e Kabulit që kërkojnë të largohen nga vendi vijon të jetë i lartë që pasi talebanët kanë marrë pushtetin. Shqipëria është ne mesin e 12 vendeve që ka pranuar strehimin e tyre, pas kërkesës së SHBA. Ndërsa përgatitjet për ardhjen e tyre vijojnë, sipas vendimit të fundit të këshillit të ministrave afganët, do të qëndrojnë në Shqipëri për një periudhë 1-vjeçare. Njëkohësisht është miratuar edhe ngritja e një Task-Force në përbërje të së cilës janë 7 ministra, por e drejtuar nga ajo e Jashtme, Olta Xhaçka.
Kjo Task Forcë ka disa detyra kryesore që nis në fazën e parë me negociimin me ndërkombëtarët, për të vijuar më pas me menaxhimin e fluksit dhe koordinimit e akomodimit të tyre pas mbërritjes në Shqipëri. Task-Forca gjithashtu do të evidentojë të gjitha nevojat për ndërhyrje në legjislacion, për shtesat buxhetore etj, për menaxhimin e situatës.
Në varësi të saj janë Ministri i Brendshëm, Bledi Çuçi, ai i Mbrojtjes Niko Peleshi, e Financave Anila Denaj, ministrja e Arsimit Evis Kushi, ajo e Shëndetësisë Ogerta Manastirliu dhe ministri i Turizmit Blendi Klosi dhe ky grup i posaçëm do të veprojë deri në përfundimin e shqyrtimit të kërkesave për mbrojtje ndërkombëtare nga shtetasit afganë që do të strehohen në Shqipëri. Në këtë vendim thuhet gjithashtu se ekziston mundësia që afganëve të vendoset që t'u kufizohet liria e lëvizjes, por ky vendim do të merret nga autoriteti përgjegjës për azilin dhe refugjatët nëse konsiderohet e nevojshme, vetëm mbi bazën e vlerësimit individual dhe jo në grup.
Lajme të tjera
-
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kërkesa për komision hetimor për Portin e Durrësit, Çuçi: S'mund të marrim vendim derisa çështja është në Kushtetuese! Parlamenti në limitet e punës
23 Dhjetor, 13:29 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36 -
Metsola: Ndërhyrja ruse në Ballkanin Perëndimor, ndër shqetësimet tona më të ngutshme të sigurisë
19 Dhjetor, 16:56
