Pas arrestimit të Stresit në një hotel në periferi të Tiranës me armë dhe kokainë në media kanë bërë gjithmonë bujë deklaratat e bashkëshortes së tij, Kejsit.   

Në një intervistë ekskluzive për ‘revistwho.com’, ajo shprehet se ende nuk e ka takuar Stresin pasi ai nuk do për sa kohë që ndodhet në qeli.

Do vij ta takoj sapo të dalë. Do isha nisur që në ditën e parë, por ai s’pranon të më takojë ndërkohë që është aty. Është munduar të më marrë nga kabina dhe vetëm kemi folur.

Kejsi Lushaj, bashkëshortja e Stresit

Sa i përket faktit që në momentin e arrestimit bashkëshorti i saj ishte me një vajzë 20-vjeçare, Kejsi shprehet se këtë gjë dëshiron që të dëgjojë edhe versionin e Stresit dhe më pas ajo do të vendosë.

Nuk e konsideroj si temë derisa të perballem vetë me Arkimedin, dhe nuk lejoj asnjë akuzë mbi të, të më ndikojë deri atëherë. Mendoj se çdo njeri ka të drejtë të japë shpjegimin e tij dhe më pas kam të drejtë unë të vendos dhe të peshoj përgjigjen që më është dhënë. Megjithatë kjo temë më përket mua dhe bashkëshortit tim, nuk kemi pse të bëjmë gjyq publik.

Kejsi Lushaj, bashkëshortja e Stresit

“Stresi”, është vënë në prangat e policisë më 17 tetor pasi akuzohet se është pjesë e një grupi kriminal në Tiranë dhe merrej me shitjen e narkotikëve. Burime nga Policia e Tiranës thanë për Report TV se Stresi ishte prej 1 viti në përgjim.