POP 5

Lajmet më të lexuara të 5 minutave të fundit

Sociale

Studentët e universiteteve të 
mbyllura, protestë para MAS

Afro 3 mijë studentë të Universiteteve të mbyllura pak muaj më parë rrezikojnë të mos regjistrohen në asnjë universitet tjetër, pasi kanë mangësi në dokumentacion.  VIDEO
Studentët e universiteteve të <br />mbyllura, protestë para MAS
Afro 3 mijë studentë të Universiteteve të mbyllura pak muaj më parë rrezikojnë të mos regjistrohen në asnjë universitet tjetër, pasi kanë mangësi në dokumentacion. Të gjendur përballë kësaj situate gjatë paradites së djeshme ata kanë protestuar para Ministrisë së Arsimit, ku kanë kërkuar plotësimin e dokumentacionit të dosjes së tyre në mënyrë që të ndjekin studimet në universitetet publike.

Gjatë protestës së organizuar para MAS studentët kanë kërkuar edhe ndërhyrjen e institucioneve qeveritare për zgjidhje të problemit. “Sot përballem me një fakt shumë të rëndë. Ndërsa tërheq dosjen e studimeve të mia 5 vjeçare në universitetin e mbyllur, më rezulton se nuk kam listën e notave të asnjë prej viteve. Pa këtë dokumentacion unë nuk mund të vazhdoj transferimin e studimeve dhe për rrjedhojë duhet t’ia nis nga e para.

Por sot nuk kam as kushte financiare dhe as mundësi që ti rikthehem edhe një herë studimeve të mjekësisë, kur unë për 5 vjet i kam kryer normalisht ato” pohon Erjona, studente nga Lezha. Sipas studentëve, ne bazë të rregullores dhe udhëzimit të përcaktuar nga Ministria e Arsimit tashme mbeten edhe 4 ditë për të kryer transferimet, ndërkohë që studentët nuk mund të hyjnë në këtë proces për shkak të mungesës së dokumentacionit në dosje.

E ndërsa studentët presin plotësimin e dosjeve, nga ana tjetër fakultetet kanë ngritur grupet e punës për të bërë ekuivalentimin e programeve për studentët e rinj që do të pranojnë nga universitetet që u është hequr licenca.  Zv/dekani i Fakultetit të Mjekësisë Xheladin Draçini deklaron se studentët që nuk kanë listën e notave dhe numrin e matrikullimit nuk mund të aplikojnë për vijimin e studimeve në publik. Ndërkohë një komision i posaçëm në Fakultetin e Mjekësisë, ka bërë ekuivaletimin e programeve mësimore. Nga ky proces ka rezultuar se studentët e Universiteteve private nuk kanë kryer 60% të orëve të mësimit, që i përket lëndëve klinike dhe praktikës në spital.

“Në strukturat e universiteteve private ka munguar shpesh here ana praktike, ana klinike, sidomos për vitet e larta dhe kjo ka qenë një mospërputhje madhore” nënvizon Draçini. Kjo do të thotë se një student i privatit i vitit të pestë apo të gjashtë, mund të humbë dy deri tre vite shkollë nëse rinis studimet në publik.  Data 29 shtator është afati i fundit për dorëzimin e dosjeve në institucionet ku studentët e Universiteteve të mbyllura kërkojnë të transferojnë studimet. 


Shkrimi u publikua sot(25.09.2014) në gazetën Shqiptarja.com(print)

  • Sondazhi i ditës:

    Lidhjet ruse të Monika Kryemadhit, a duhet që drejtësia të nisë hetimet?

Lajme të tjera



×

Lajmi i fundit

Analistët: Suksesi i marrëveshjes Kosovë-Serbi varet nga angazhimi aktiv i BE, SHBA

Analistët: Suksesi i marrëveshjes Kosovë-Serbi varet nga angazhimi aktiv i BE, SHBA

2 Prill, 07:12