KËSHILLË PËR STUDENTËT PROTESTUES: Mendoj se ka ardhur momenti për strategjinë e negociimit, sepse mund të jemi pranë skenarit të mëposhtëm:
KM, nën presionin e vazhdueshëm dhe mungesën e negociatave, vendos të thërrasë rektorët e universiteteve publike, edhe ata nën trysni, dhe pranojnë kërkesën bazë dhe konkrete, përgjysmimin e tarifave. M.q.s. shumica e Bordit është përsëri e qeverisë kjo kalon lehtë fare. Nëse kjo nuk kompensohet nga buxheti i shtetit, atëherë gjendja e universiteteve do të jetë akoma më mjerane. Buxheti i shtetit, në 15 vitet e fundit, ka mbuluar vetem fondin e pagave, madje jo për 12 muajt e vitit. Diferencën e pagave, mbingarkesat e orëve dhe çdo shërbim (drita, ujë, shërbim roje, etj) dhe investime në infrastrukturë ua ka lënë universiteteve t'i nxjerrin nga të ardhurat dytësore, pra tarifat studentore, që përfaqësojnë vetëm 20% të kostove reale, ose edhe më pak për degët teknike.
Në këto kushte, universitetet i kanë futur në garë për të thithur sa më shumë studentë, duke hapur programe të reja, edhe jashtë kompetencave, traditës, etj. Kështu, shumica e universiteteve të rretheve, por edhe në Tiranë po bëhen universale, mbulojnë nga letërsia tek informatika, nga inxhinieria tek shkencat politike. Kuotat po rriten përtej kapaciteteve. Cilësia e mësimdhënies bie, kushtet për realizim praktikash mungojnë dhe ndaj kemi ardhur në këtë situate revolte. Sepse qeveria thotë ‘mos i rrit kuotat se më krijon probleme politike dhe sociale, pra krijo të ardhura duke rritur kuotat’. Pra, nëse nuk negociohet që ulja e tarifave e shoqërohet me rritje të buxhetit (që sapo kaloi), do të shkojmë keq e më keq dhe universitetet publike do të bien në krizë dhe do të mbyllen. Alternativa mbetet privati me tarifa 10-fish më të larta ose studimet jashtë (100-fish më shtrenjtë).
Rekomandoj që t'ju mbështesin në negociata profesorë me integritet të deshmuar, si Erion Kristo, pedagogë me besim të lartë në Zot që nuk i korrupton dot pushteti dhe paraja, por edhe pedagogë që njohin mirë buxhetin dhe administrimin publik etj. Këta nuk do të kenë asnjë të drejtë vendim-marrje, por vetëm këshilluese. DEBAT I HAPUR PUBLIK, jo videokonferencë.
Nëse nuk arrijmë sot, që arsimi të marrë peshën që i takon në buxhetin e shtetit në raport me sektorë të tjerë apo investime, do të katandisemi në një popull 1 mln banorë dhe 80% e buxhetit do të shkojë për ndihmë ekonomike, pensione, check-up dhe emigrantë aziatikë që do të punojnë për koncesionarë që varfërojnë burimet dhe ndotin çdo gjë, sepse këta të fundit u kanë bërë nga një geto ngjitur me fabrikën (sigurisht pa të drejtë vote). O SOT, O KURRË! NËSE NUK E NDRYSHON DOT BUXHETIN, atëherë ta printojë dhe të pikturojë mbi të sepse nuk do të jetë më në fuqi!
*Ndjesë që të citova Erion, por doja edhe të verifikoja nëse është momenti dhe strategjia e duhur për negociim pasi sot, ishe dakord me një strategji për të mos negociuar ende!
Nese nuk e pranoni këshillën modeste, pranoni urimin: Gëzuar 8 Dhjetorin! Mirënjohje që ripërteritë trashegiminë e studentëve të viteve 1990. Faleminderit që ushqeni idealizmin tek brezi ynë që po shuhej duke i lënë vend pragmatizmit dhe dorëzimit!
Komente
Lajme të tjera
-
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Futi në kurth arsimin, dërgohet për gjykim 20-vjeçari që ngriti skemën e mashtrimit me bursa studimi në SHBA! Hiqej si zyrtar i ambasadës, dha 19 certifikata false për nxënës e mësues
20 Nëntor, 13:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxhetin 2025 do ta ‘gllabërojnë’ rrugët, marrin 334 mln euro! Rritje 94 mln € edhe arsimit! Në fokus Shëndetësia, Siguria dhe Mbrojtja
29 Tetor, 17:00
-
Manastirliu në Shkodër: Plan i ri strategjik për Universitetin ‘Luigj Gurakuqi’, qendër rajonale e arsimit të lartë
19 Tetor, 13:49 -
Rama ironizon “mosbindjen civile”: Manifestim politik për pushtet! Dy protesta ka pasur Shqipëria, atë të armëve kimike dhe studentëve
12 Tetor, 08:45 -
Nis viti i ri akademik, Universitetet hapin dyert për 120 mijë studentë! 20 mijë prej tyre ulen për herë të parë! Manastirliu: Nuk mbyllen degë
7 Tetor, 08:13
-
Manastirliu: 500 shkolla Qendra Komunitare, forcojmë bashkëpunimin mes shkollës dhe komunitetit kundër fenomeneve negative
30 Shtator, 12:08
Strategjija duhet te jete permbysja e ed Rames
Përgjigju