Zef Brozi, ish-kryetari i Gjykatës së Kasacionit ka reaguar duke komentuar protestën e studentëve në Tiranë dhe universitetet në rrethe për tarifat dhe kërkesat e tjera. Ai ka një apel për studentët, që të protestojnë fuqishëm e paqësisht, por ‘mos lejoni t’ju mashtrojnë e manipulojnë politikisht’. Ish-kryetari i Gjykatës së Kasacionit vlerëson veprimin e Nikollës, që sipas tij bëri atë që duhej duke iu përgjigjur thirrjes së protestuesve që të dilte nga zyra e të shkonte në shesh tek ata. Brozi shprehet se sot nuk ka asnjë arsye që të gjitha palët e interesuara (Studentët, Qeveria, Parlamenti, Presidenti, Rektoratet, e Dekanatet) të mos ulen në bisedime për të dhënë zgjidhjet jo vetëm për kërkesat e studentëve protestues, por edhe për përmirësimin rrënjësor të arsimit në Shqipëri. Studentët protestojnë prej 5 ditësh para Ministrisë së Arsimit dhe Sportit duke kërkuar plotësimin e tetë kërkesave, kryesorja përgjysmimi i tarifës së arsimit (lexo këtu).
STATUSI I PLOTË I ZEF BROZIT
Të dashur studentë: Protestoni fuqishëm e paqësisht, por mos lejoni t’ju mashtrojnë e manipulojnë politikisht! Si ish-pedagog, si prind e qytetar, por edhe si immigrant në Amerikë që nga 12 Nëntori 1995, përshëndes protestat paqësore të studentëve në Tiranë dhe në qytetet e tjera të vendit. Miqësisht u apeloj studentëve të mos lejojnë manipulimin e tyre nga mafiozët e partive politike a kushdo tjetër.
Studentët kanë pasur dhe kanë shumë arësye të protestojnë në këto 28 vite të shkatërrimit të shkollimit dhe edukimit të brezit të ri. E pafalëshme ka qenë heshtja e tyre. Gjendja mjerane dhe kushtet thuajse primitive në konviktet studentore dhe në auditore, korrupsioni marramendës në universitete (që vret dijen dhe përgatitjen e te rejave e te rinjve shqiptarë sipas standarteve të larta që kërkon sot koha), shitja dhe blerja e notave, diplomave, madje edhe e titujve shkencor, niveli i ulët shkencor ( madje dhe skandaloz) i një pjese të pedagogëve, pagesat e papërballueshme nga një pjesë e madhe e studentëve – janë disa nga arësyet që studentët në këto 28 vite duhej të kishin protestuar e jo heshtur.
Por studentët dhe rinia shqiptare nuk duhet as të mashtrojnë veten me nota e diploma që blihen edhe pa shkuar në shkollë, pa hapur librat, pa studiuar. Në familjen Europiane dhe kohën e globalizmit sot dhe në të ardhmen konkurohet me dije dhe aftësi të shumanëshme dhe jo me injorancë e dembelizëm (ndërsa diplomat fallco e pa vlerë më mirë i fundosni në baltina).
Dihet se gjendja mjeranë në universitetet e shkollat në Shqipëri është produkt dhe përgjegjësi e të gjitha qeverive në këto 28 vite. Pavarësisht se në këto vitet e fundit janë bërë disa hapa pozitiv për arësimin, Qeveria, universitetet, Parlamenti, Presidenti, dhe të gjitha institucionet u janë borxhlinj studentëvë dhe rinisë shqiptare. Prandaj edhe unë u bëj apel atyre të degjojnë me respekt dhe përgjegjësi zërin studentor, të ulen e bashkebisedojnë me ta dhe sëbashku të gjejnë zgjidhjet më të mira të mundshme për plotësimin e kerkesavë dhe nevojave të studentëvë dhe aresimit në Shqipëeri.
Nëse me 11 Dhjetor 1990 përfaqësia studentore bëri takimin me Ramiz Alinë edhe pse në kushtet e një frike e terrori, sot nuk ka asnjë arësye që të gjitha palët e interesuara (Studentët, Qeveria, Parlamenti, Presidenti, Rektoratet, e Dekanatet) të mos ulen në bisedime për të dhënë zgjidhjet jo vetëm për kërkesat e studentëve protestues, por edhe për përmirësimin rrënjësor të arsimit në Shqipëri.
Përmes internetit mësova se Ministrja e Arësimit Znj. Lindita Nikolla bëri atë që duhej dhe iu përgjigj thirrjes së protestuesve që ajo të dilte nga zyra e të shkonte në shesh tek ata.
A duhet, vec të tjerave, që Qeveria, Parlamenti, Presidenca, Rektoratet e Dekanatet të ndërpresin edhe shpenzimet e tyre për luks në zyra dhe ato fonde të investohen për godinat dhe ambientet studentore?
Të dashur studentë: Protestoni fuqishëm e paqësisht, por mos lejoni t’ju mashtrojnë e manipulojnë politikisht! Për të mirën tuaj dhe të Shqipërisë sonë të dashur.
Zef Brozi, Washington, DC 8 Dhjetor 2018
Komente
Lajme të tjera
-
SHBA/ Vajza e Zef Brozit në gjurmët e të atit, diplomohet me rezultatet të larta në juridik: I lumtur që do të punojë në gjykatën e Virxhinias
13 Maj, 22:03 -
Shteti vrau me 21 Janar 2011– tha Gjykata Europiane e të Drejtave të Njeriut! Po SPAK pse hesht dhe nuk heton këtë krim shtetëror?
13 Janar, 08:40
-
Sulmet e Berishës ndaj drejtësisë, Zef Brozi: Ta hetojnë pa asnjë tolerim 'Tiranin' që gjakosi Shqipërinë e përbën rrezik për sigurinë e vendit
29 Dhjetor 2023, 08:58 -
SPAK i pakënaqur me pr/buxhetin, e mbështet Zef Brozi: T’u jepen fondet e mjaftueshme për funksionim efikas, mijëra çështje presin me vite e dekada! Mos po u bëhet presion?
12 Nëntor 2023, 18:47 -
Berisha në hetim për ‘Partizanin’, Zef Brozi për Report Tv: Të korruptuarve t’i sekuestrohet pasuria! Të zbardhet 21 janari, Gërdeci dhe CEZ-DIA
1 Nëntor 2023, 09:32 -
Frrok Çupi: Një herë pasaporta e Zef Brozit, një herë e Sali Berishës
23 Tetor 2023, 07:44
-
Deklarata e fortë e Zef Brozit nga Washingtoni: SPAK e BKH të mos bëhen gardianë të Berishës
21 Shtator 2023, 17:48 -
Ish-kreu i Gjykatës së Kasacionit: E pabesueshme që prokurorja e SPAK ankimon urdhrin për hetimin e pasurisë Meta-Berisha! Të përgjigjet para ligjit
7 Shkurt 2023, 06:59 -
21 janari/ Zef Brozi për Report Tv: Ndëshkimi Berishës, shërbim i madh për vendin, sot krenohet me vrasjet! Basha të bashkëpunojë me drejtësinë
22 Janar 2023, 16:52 -
Zef Brozi: Kush e mbron arkitektin e aktit terrorist shtetëror të 21 janarit 2011?
21 Janar 2023, 07:10
-
Nëse SPAK do të kishte disa prokurorë si Xhevat Hana…
11 Janar 2023, 10:36
-
Ish kreu i Gjykatës së Kasacionit, Zef Brozi: Duhen gjyqtarë e prokurorë kurajozë, SPAK mision të shpëtojë vendin nga kuçedrat e korrupsionit!
15 Dhjetor 2022, 19:17
Bravo miku yne Zef kjo eshte zgjidhja e drejte.
Përgjigju