Studimi: Ushtrimi fizik para se të hamë mëngjes djeg më shumë kalori

Çështja që a duhet ngrënë para apo pas stërvitjes në mëngjes ka qenë një debat më vete.

Një grup thotë se ushqimi para stërvitjes rrit sheqernat në gjak, duke i dhënë fuqi trupit për të rritur intensitetin dhe gjatësinë e një stërvitje.

Kurse grupi tjetër ka thënë se trupi djeg më shumë kalori nëse nuk hamë para stërvitjes.

Sipas një studimi në Mbretërinë e Bashkuar, ku u vëzhguan 30 burra me peshë të madhe dhe sipas rezultateve ata që ushtroheshin para mëngjesit, digjnin dy herë më shumë se sa burrat që hanin mëngjes para se të stërviteshin.

Kjo ndodhte se ushtrimi pa ngënë e detyron trupin të kthehet tek kaloritë e ruajtura duke zhdukur  edhe ato qeliza dhjamore që kanë ngelur.

Mosngrënia para stërvitjes i bëri muskujt e burrave më të përgjegjshëm ndaj insulinës, i cili kontrollon sheqernat e larta në gjak, duke zvogëluar kështu rrezikun për diabetin dhe sëmundjet e zemrës.

"Grupi që u ushtrua para mëngjesit e rriti aftësinë e tyre për t'iu përgjigjur insulinës, gjë që është edhe më e jashtëzakonshme duke pasur parasysh që të dy grupet e ushtrimeve humbën një sasi të ngjashme të peshës", tha fiziologu i stërvitjes Javier Gonzalez, profesor në departamentin e shëndetit në Universiteti Bath, në një deklaratë.

"Dallimi i vetëm ishte koha e ngrënies së ushqimit. Të jesh më i lumtur do të të ndihmojë të jetosh më gjatë, kështu që mëso si të jesh më i lumtur”, shtoi Gonzalez.

Një studim i vitit 2017 nga Universiteti Bath, gjithashtu nga Gonzalez, vëzhgoi 10 burra dhe gjeti të njëjtat rezultate,  për shkak të nivelit të ulët të sheqerit në gjak, burrat dogjën më shumë yndyrë.

Një studim i vitit 2010 gjeti rezultate të ngjashme, këtë herë në një grup prej 28 burrash të shëndetshëm, fizikisht aktivë.

Ishte grupi që pinte vetëm ujë në një stomak bosh që ruajti peshën e tyre, humbi yndyrën dhe i mbajti sheqernat në gjak në gjendje të mirë.

Nëse vendosni të punoni me stomak bosh, mbani në mend këto këshilla: Përdorni katër R-të e rimëkëmbjes: rihapni, rimbushni, rregulloni dhe forconi( rehydrate, replenish, repair and reinforce).

Bëjeni atë duke pirë ujë ose pije që përdoren gjatë ushtrimit fizik.

Brenda 15-30 minutave, hani një vakt me një raport të lartë të proteinave 4:1.

Disa zgjedhje të mira janë kosi grek me fruta dhe me pak yndyrë, apo  përzierje e një bananeje me gjalpë kikiriku.

TAG:
• ushqime
• kalori
• studimi
• ushtrime stervitore