Stuhia e rrezikshme “Dennis” ka përfshirë Britaninë e Madhe prej ditësh duke sjellë përmbytje të mëdha.
Mediat britanike e cilësojnë atë si më të rrezikshmen e 200 viteve të fundit dhe situata thuajse ka dalë nga kontrolli.
Sipas “Daily Mail”, stuhia nuk ka kursyer as vilën luksoze të çiftit George dhe Amal Clooney.
Vila e tyre me vlerë 12 milionë paund është përmbytur dhe tashmë familja është larguar prej aty.
Uji ka shkuar deri në oborrin e tyre, ka mbuluar gjithë fushën e tenisit, verandën e shtëpisë e cila tani ndodhet nën ujë.
Vila e tyre është përballur edhe në vitin 2016 më një përmbytje të ngjashme, por këtë herë situate është më e vështirë, pasi reshjet e shiut janë drejt shtimit.
Sipas menaxherit të Agjencisë së Mjedisit dy prej qarqeve që kanë pësuar më shumë dëme janë Herefordshire dhe Worcestershire.
Rreth 70 mijë shtëpi në zonat e prirura nga përmbytja rrezikojnë të bëhen të pasigurta, sipas një raporti.
