POP 5

Lajmet më të lexuara të 5 minutave të fundit

Ekonomi

Subvencioni i grurit, ‘digjen’ mbi 10 mijë fermerë në Lushnjë, mbollën tokat me farën e vet, duhej fatura për aplikimin

Të paktë janë fermerët e Lushnjës që përfituan nga skema mbështetëse e Ministrisë së Bujqësisë për grurin. Mbi 10 mijë aplikantë u dogjën, pasi nuk siguruan dot një faturë fiskale për farat. Vetë ata thanë se ky kriter është i padrejtë, pasi farën nuk e kanë blerë, por e kanë siguruar nga fermat e tyre.

Rreth 12 mijë fermerë të Lushnjës e Divjakës aplikuan për të përfituar subvecionin për grurin në vlerën e 30 mijë lekëve për hektar. Por në ditën e fundit të aplikimit, rezulton se 10 300 fermerë u skualifikuan dhe vetëm 1700 janë përfitues. Fermerëve iu kërkuan 4 dokumente: NIPT-i, kontrata noteriale për tokat me qira ose certifikatë pronësie, faturë fiskale për plehrat kimikë dhe faturë fiskale për blerjen e farës së grurit. Pikërisht kriteri i fundit dogji fermerët, pasi shumica prej tyre nuk e kanë blerë farën e grurit, por e kanë siguruar nga fermat e tyre.

“Kërkojnë dokumentet, unë i dorëzova. Për farën e grurit nuk kisha faturë se farën e grurit e kisha nga prodhimi i vjetshëm. Ndërsa faturën për plehrat kimikë e dorëzova”, tha një fermer.

“Unë faturën e  grurit nuk e kam! Po e fituam mirë, po nuk e fituam s’di ç’të them. Për një hektar grurë që kam mbjellë, po bredh lart e poshtë për të plotësuar letrat”, tha një tjetër.

Drejtori i Agjencisë Rajonale së Ekstensionit Bujqësor në Lushnje tha se 16 dhjetori ishte afati i fundit për dorëzimin e dokumentacionit dhe në këtë pikë shumë aplikante nuk ia dolën të shpallen fitues.

“Një pjesë e fermerëve i kanë mbjellë tashmë tokat me farën e vet, por për të bërë të zbatueshëm udhëzimin e Ministrisë së Bujqësisë duhet patjetër fatura fiskale për blerjen e farës së grurit. Kjo ka bërë që shumë fermerë të digjen për këtë vit”, tha Ferdinant Shani drejtor i AREB Lushnjë.

Kujtojmë se në korrik të këtij viti, ministrja e Bujqësisë, Frida Krifca njoftoi vendimin e qeverisë për të mbështetur prodhuesit e grurit në vend, për shkak se lufta në Ukrainë solli rritje të çmimit të drithëra të importit. 

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01