Sudan, udhëheqësit e protestës pranojnë planin e Etiopisë për tranzicion politik

Udhëheqësit e protestës sudaneze kanë thënë se kanë pranuar krijimin e një organi qeverisës të shumicës civile për një tranzicion politik në Sudan siç është propozuar nga një i dërguar i Etiopisë.

Plani i kompromisit sugjeron krijimin e një organi qeverisës prej 15 anëtarësh që do të instalonte një administratë civile - që përbëhej nga tetë civilë dhe shtatë anëtarë të ushtrisë.

"Ne mendojmë se pranimi ynë i propozimit është një hap i madh drejt përmbushjes së qëllimeve të revolucionit, të cilat janë liria, paqja dhe drejtësia. Kjo do ta kthejë vendin në rrugën e duhur, që do të sjellë një demokraci të qëndrueshme". tha udhëheqësi i protestës Babiker Faisal.

Këshilli qeverisës ushtarak i përkohshëm (TMC) ende nuk ka dhënë vendimin e tij mbi propozimin etiopian.

Gjeneralët në pushtet dhe udhëheqësit e lëvizjes së protestës janë përfshirë në një mosmarrëveshje prej disa javësh mbi formën e qeverisë kalimtare të vendit.

Nga tetë civilë, shtatë do të vijnë nga lëvizja, Aleanca për Liri dhe Ndryshim (AFC).

Etiopia ka shtuar përpjekjet e saj për të zgjidhur krizën politike në Sudan.

Sudani është dëmtuar nga tensionet mes krerëve të protestës dhe gjeneralëve, të cilët morën pushtetin pas heqjes së presidentit Omar al-Bashir në prill mes demonstratave masive, ku situata u përkeqësua pas vrasjes së dhjetëra vetëve dhe plagosjes së qindra të tjerëve.

Mjekët sudanezë thanë se më shumë se 118 vetë u vranë në sulmin e 3 qershorit, ndërsa TMC ka thënë se 61 njerëz janë vrarë.

Marwa Gibril, një aktiviste e të drejtave të njeriut sudaneze, tha për Al Jazeera se protestuesit mbeten optimistë se qeveria kalimtare do të udhëhiqet nga civilë.

"Njerëzit do të jenë shumë skeptikë për këtë marrëveshje. Besimi i popullit drejt Këshillit Ushtarak Kalimtar është tronditur pas sulmit, por mbetet njëfarë optimizmi dhe ne do të donim të shkonim përpara, u shpreh Gibril.

TAG:
• sudan
• udhëheqësit e protestës
• qeveri kalimtare
• civilë
• organi qeverisës