Sulm terrorist në Lugano, plagosen dy persona

Dy persona kanë mbetur të plagosur nga një sulm me thikë jashtë një dyqani në Lugano të Zvicrës, i cili po hetohet si një sulm terrorist.

Autoritetet në Zvicër thanë se 28-vjeçari, qytetar zviceran në Lugano, sulmoi dy gra në dyqan përpara se të ndalohej nga disa klientë dhe më pas të vihej në pranga nga policia.

“Bazuar në gjendjen shëndetësore, njëra nga viktimat ka marrë plagë të rënda, por jo kërcënuese për jetën, ndërsa gruaja tjetër ka marrë plagë të lehta”, thuhej në njoftimin e autoriteteve.

Në një postim në twitter policia deklaroi se sulmi dyshohej si terrorist dhe se të dyshuarit ishin emra të njohur nga autoritetet pasi ishin shfaqur pak më herët në një hetim të autoriteteve mbi terrorizmin.

Sulmi në Zvicër, erdhi pak kohë pasi Franca dhe Austri kanë vuajtur disa sulme muajt e fundit. Në një postim në Twitter kancelari austriak Sebastian Kurz  e dënoi rëndë aktin

“E dënoj plotësisht sulmin e sotëm terrorist në Lugano. Lutjet e mia janë me viktimat dhe i uroj atyre një shërim sa më të shpejtë. Ne qëndrojmë me Zvicrën në këto orë të vështira dhe do të kemi një përgjigje të përbashkët kundër terrorizmit islamik në Evropë për të ruajtur vlerat tona. Mendimet e mia janë me viktimat  dhe dëshirojnë atyre një shërim të shpejtë," tha ai.

Më herët gjatë këtij muaji në Vjenë u plagosën më shumë se 20 persona gjatë një sulmi terrorist dhe Katër  persona humbën jetën

Zvicra neutrale deri më tani nuk ka pësuar sulme xhihadiste në shkallë të gjerë, megjithatë ka identifikuar qindra banorë që konsiderohen si një kërcënim dhe militantë që kanë udhëtuar në zonat e luftës. Këtë muaj janë arrestuar dy burra në qytetin Winterthur afër Zyrihut për lidhje të mundshme  sulmin në Vjenë që vrau katër persona, pasi ata kishin takuar sulmuesin në korrik.

Rendit zhvillimet sipas orarit:
Ora 12:54
Autoritetet zviceriane: Sulmi në Lugano ishte terrorist, gruaja tentoi të shkonte në Siri në 2017

Sulmi i natës së mbrëmshme si pasojë e së cilës mbeten të plagosura dy gra, ishte një sulm terrorist. Gruaja zvicerane raportohet të ketë qenë një xhihadiste, e cila ishte dashuruar me një militant në rrjetet sociale dhe ishte përpjekur të shkonte në Siri për ta takuar atë.

‘Autoritetet turke e kthyen atë nga kufirin me Sirinë kur ajo u përpoq të udhëtonte atje për të takuar burrin dhe e kthyen në Zvicër”, theksohet në deklaratën e policisë.

Ndërkohë që pas rikthimit në Zvicër, ajo është shtruar në një klinikë psikiatrike dhe nuk kishte në qenë në vëmendjen e policisë që nga ajo kohë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Po tregon shenja dobësimi, a po zbehet vala populiste në Evropë?