ISIS terror në Strasburg/ 3 të vdekur dhe 11 të plagosur, ngujohen deputetët e PE-së (VIDEO+FOTO)

Një sulm terrorist ka ndodhur këtë të martë në orën 20:00 në një treg Krishtlindjesh në Strasburgun qendror, në lindje të Francës. Sipas mediave të huaja, 3 persona kanë vdekur, 11 kanë ngelur të plagosur dhe midis tyre raportohet se ka edhe persona që ndodhen në gjendje të rëndë shëndetësore. Të plagosurit janë dërguar në spital, për të marrë trajtimin e nevojshëm mjekësor. 

Atentatori është 29 vjec, një ekstremist islamik nga Afrika e Veriut. Ai mësohet se përgjatë një përballjeje me policinë është plagosur e më pas është larguar.

Sulmi ka ndodhur pranë Parlamentit Evropian, ku mësohet se janë izoluar qindra eurodeputetë dhe gazetarë. Eurodeputetja Roberta Mestola shkruan në rrjetin social "Tëitter" se sëbashku me personat e ngelur brenda PE-së po përpiqet të kontaktojë me cdo kënd që ndodhet brenda institucionit, për të konfirmuar nëse janë të sigurt.

Ndërkohë, zona rreth qendrës historike është blinduar nga forcat policore dhe trafiku është devijuar.

Gazeta  "L'Alsace" shkruan se ministri i Brendshëm francez, Christophe Castaner është larguar në mënyrë të menjëhershme nga pallati presidencial Elysee, ku ishte në një pritje me presidentin Emmanuel Macron, pasi mësoi të shtënat në Strasburg.

Lajmi është konfirmuar krahas mediave edhe nga nënkryetari i bashkisë së qytetit, Alain Fontanel, përmes një postimi në rrjetin social "Twitter". Krahas tij, edhe eurodeputeti i Lëvizjes "Pesë Yjet", Dario Tamburrano ka shkruar në "Twitter", duke bërë të ditur në fund se delegacioni i "Pesë Yjeve" është i sigurt nga atentati terrorist.

Postimi i nënkryetarit të bashkisë së qytetit, Alain Fontanel

Postimi i eurodeputetit të Lëvizjes "Pesë Yjet", Dario Tamburrano

TAG:
• parlamenti europian
• Strasburg
• te plagosur
• atentat terrorist
• të vrarë
• Alain Fontanel
• Dario Tamburrano
• Roberta Mestola