Supë me perime të stinës

Përbërësit:

  • 1 qepë
  • 1 karotë
  • 1 presh
  • 1 spec i kuq
  • 1 kërcell selino
  • 3 patate
  • 1 kokë brokoli
  • 2 thelpinj hudhre
  • 2-3 lgj vaj ulliri
  • Kopër dhe majdanoz
  • Kripë, spec i kuq pluhur

Përgatitja:

Grijmë hollë qepën dhe e skuqim në vaj ulliri në zjarr mesatar. Shtojmë karotën, preshin, specin dhe selinon; i lëmë të zbuten për rreth 5 minuta. Më pas shtojmë patatet e prera në kubikë, i përziejmë pak minuta, shtojmë ujë, kripë dhe specin e kuq. E mbulojmë me kapak dhe e lëmë të ziejë për 15 minuta. Në fund shtojmë lulet e brokolit, hudhrën e grirë dhe erëzat e freskëta, e lëmë supën edhe 5 minuta të tjera në zjarr derisa të jetë gati.