Receta

Supë pule me lëpjetë dhe kos nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Tetor, 11:42 | Përditesimi: 1 Tetor, 11:43

Supë me lëpjetë dhe kos

Përbërësit:

500 gr mish
300 gr lëpjetë
3 lugë vaj ulliri
1 lugë supe gjalpë
1 qepë e vogël
250 ml kos
Kripë, piper i zi
Majdanoz dhe mendër

Përgatitja:

LEXO EDHE:
Pulë e mbushur nga zonja Albana

Presim mishin në racione, e marinojmë pak me kripë dhe e skuqim me pak vaj ulliri. Qepën e presim në kubikë të vegjël dhe e hedhim te mishi, e trazojmë me lugë druri dhe e skuqim në zjarr të ngadaltë, në mënyrë që të bëhet transparente e të tretet. Pastaj i hedhim afro një lugë ujë që të mos e lëmë të marrë ngjyrë të kuqërremtë. Shtojmë piperin e zi, 500- 600 ml ujë dhe e lëmë në zjarr derisa mishi të ziejë plotësisht. Ndërkohë, pasi kemi larë mirë lëpjetat dhe i kemi kulluar, i presim në copa të mëdha dhe në valën e fundit të gatimit i hedhim te mishi për t'i zier rreth 7-8 minuta. Shtojmë kosin, të cilin e kemi rrahur pak me pirun, majdanozin e grirë, mendrën, gjalpin e tretur dhe e heqim nga zjarri. E provojmë për shijen e kripës dhe e servirim të ngrohtë.