Receta

Super shije! Salcë me perime të pjekura nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Shkurt, 11:42 | Përditesimi: 7 Shkurt, 11:43

Salcë me perime të pjekura

Përbërësit:

2 domate të mëdha
1 qepë e kuqe
½ qepë e bardhë
1 patëllxhan
1 kungulleshkë
2 speca jeshilë
1 spec djegës jeshil
1 kokërr hudhër
2 lgj vaj ulliri
1 limon jeshil
Kripë, piper
Majdanoz

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Vendosim fetat e domates, kungulleshkës, patëllxhanit, qepës, specave, hudhrën e larë me gjithë lëkurë dhe limonin jeshil në një tas të madh. I spërkatim me vaj ulliri, kripë dhe piper dhe më pas i vendosim në skarë ose në furrë (të parangrohur) duke përdorur një letër alumini. I lëmë perimet për 10-15 minuta duke ndërruar anë për të garantuar një pjekje të plotë. Më pas i lëmë në një tabaka që të ftohen. Pasi të jenë ftohur, heqim cipat e hudhrës, domateve, specave dhe qepëve. Limonin e pjekur e shtrydhim lehtë dhe lëngun e hedhim direkt në mikser. Shtojmë në mikser perimet dhe lëngjet, shtojmë majdanozin dhe miksojmë përbërësit derisa salca të arrijë trashësinë e preferuar. Rregullojmë shijen me piper të zi dhe kripë dhe i miksojmë edhe një herë të fundit. Nëse dëshirojmë salcën mund ta përgatisim edhe pa mikser, mjafton që të shtypim të gjithë përbërësit mirë derisa masa të bëhet homogjene. E vendosim salcën në një kavanoz qelqi dhe e servirim të ftohtë si garniturë për gatime të ndryshme.

MC/Shqiptarja.com

TAG: