POP 5

Lajmet më të lexuara të 5 minutave të fundit

Sport

Superkupa e Italisë nis sot me formatin e ri, në Spanjë Atletico Madrid kërkon 'hakmarrjen' kundër Realit

Përballja Napoli-Fiorentina do t'i japë jetë sonte formatit të ri të Superkupës së Italisë që do zhvillohet në Arabinë Saudite. Ndërkohë Kupa e Spanjës do rikthejë edhe njëherë pas pak ditësh derbin e Madridit mes Atleticos dhe Realit. Sonte ndërkohë në fushë do zbresë edhe Barcelona.

Superkupa e Italisë nis sot me formatin e ri, në Spanjë Atletico Madrid kërkon 'hakmarrjen' kundër Realit

Vinicius Junior - Griezmann

Napoli-Fiorentina është ndeshja që sonte nis për herë të parë një kompeticion ndryshe të Superkupës së Italisë (20:00). Dy skuadrat e Seria A do përballën në Arabinë Saudite për të siguruar biletën e finales, aty ku do përballen me fituesin e çiftit Inter-Lazio që luhet të premten.

Për të mbetur te Napoli-Fiorentina të dy skuadrat kërkojnë suksesin për të karikuar bateritë për pjesën tjetër të sezonit. Napoli që po kalon shumë ulje-ngritje në kampionat mund ta ketë si shpëtim trofeun, duke para se këtë sezon ka mbetur pas në luftën për titull. Sakaq, Fiorentina vjen pas dy finaleve të humbura sezonin e kaluar, në Kupën e Italisë dhe Conference League, ndaj besojnë se kjo është e treta e vërteta.

Trajneri Italiano para ndeshjes ka deklaruar se ‘pret një Napoli ndryshe nga ai që mundën në kampionat’, ndërsa Sarri që drejton kampionët në fuqi të Seria A është shprehur se ‘kjo është mundësi për të treguar sesa vlejnë’.

Ndërkohë derbi magjik i Madridit do të luhet sërish sonte (21:30), vetëm pak ditë pas gjysmëfinales së Superkupës në Arabinë Saudite. Atletico do të presë Realin për 1/8 e Kupës së Spanjës, me qëllimin kryesor për të marrë hak për disfatën e freskët në Superkupë, por edhe për të siguruar çerekfinalet.

Në fushë sonte do të zbresë edhe Barcelona, që humbi finalen e Superkupës së Spanjës 4-1 kundër Realit. Katalanasit kanë përballë një kundërshtar të lehtë në letër si Unionistas të Premiera Divizion, por njëkohësisht rrezikojnë shumë në rast se nuk ia dalin, pasi zërat për largimin e trajnerit Xavi kanë nisur prej kohësh.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça