Flamurtari ka shkatërruar 5-0 Dinamon duke dwnuar kryeqqytetasit tw zbresin në kategorinë e parë. Nuk ka mëshirë nga ana e vlonjatëve ndaj Dinamos, e cila sot është ndëshkuar nga dy ish-lojtarë të saj, Progni dhe Pejiç. Me këtë fitore Flamurtari konsolidon vendin e katërt, që i jep mundësi të përfaqësohet në Europa Ligë.

Teuta ka zhgenjyer ne shtëpi, pasi përballja me Kamzën nuk ka shkuar më shumë se një barazim 0-0. Padyshim edhe pas kësaj jave titulli mbetet i hapur, por kjo pikë me shume ka kënaqur Kamzën. Skënderbeu ashtu si Teuta ka barazuar 0-0, por korçarët këtë pikë e morën në transfertën e Ballshit dhe falë frenimit të durrsakëve kampionët e ruajnë vendin e parë. Në minutën e pestë shtesë ballshiotët mbeten me një lojtarë më pak, pasi portieri Frashëri ndëshkohet me të kuqe, por gjithçka përfundon në barazim.

Tirana vijon të zhgënjejë, pasi edhe ndaj Shkumbinit bardheblutë nuk shkuan më shumë se një barazim 1-1. Tirana e ka të sigurtë vendin e tretë, ndërsa kjo pikë u bën më shumë punë peqinasve, që janë të përfshirë në luftën për mbijetesë. Rezultatet:
BYLIS-SKËNDERBEU 0-0
TEUTA-KAMZA 0-0
TIRANA-SHKUMBINI 1-1
KASTRIOTI-LAÇI 0-1
POGRADECI – APOLONIA 1-1
VLLAZNIA-TOMORI 0-0
FLAMURTARI-DINAMO 5-0
(rb/shqiptarja.com)