POP 5

Lajmet më të lexuara të 5 minutave të fundit

Sport

Superliga pa pushim/ Të mërkurën dy supersfida, Partizani udhëton në Fier! Çinari: Apolonia e lehtë vetëm në letër (VIDEO)

Kukësi-Laçi, por edhe Teuta-Vllaznia janë dy ndeshjet kryesore të javës së 22 të Superligës, që luhet të mërkurën.

Superliga ka hyrë në një fazë deçizive ku çdo javë përcakton shumë për objektivat. Pas ndeshjeve të ditës së shtunën ajo rikthehet të mërkurën me javën e 22 ku sikasin ndeshjet mes Kukësit dhe Laçit, por edhe Teuta-Vllaznia.

Kukësi të premten u nda në barazim me Teutën dhe nuk ka asnjë mundësi shpërdorimi ndaj Laçit, me qëllim kualifikimin në Kupat e Europës, por nga ana tjetër Laçi që barazoi me Partizanin dhe mban vendin e tretë, synon titullin kampion.

Përballja tjetër mes Teutës dhe Vllaznisë është një test i rëndësishëm për shkodranët kryesues me tre pikë më shumë se Partizani, që javët e fundit kanë humbur shumë terren. Vllaznia duhet të fitojë me patjetër, por edhe durrsakët kanë pretendimet e tyre për titullin, në një kohë kur llogaritë i mbajnë bindshëm në lojë.

Sakaq Partizani pas ndalesës me Laçin të mërkurën udhëton në Fier për t’u përballur me Apoloninë e cila kërkon të mbijetojë. Të kuqtë duket të inatosur dhe sipas Erald Çinarit duhet fituar me patjetër pavarësisht se Apolonia është një ekip i lehtë vetëm në letër.

“Apolonia është një kundërshtar i lehtë vetëm në letër dhe ne duhet të japim maksimumin. Duhet të marrim tre pikët me patjetër në këtë ndeshje,”-shprehet Çinari.

Tirana pas fitores me Vllazninë synon vazhdimësinë edhe me Bylisin. Fitorja është opsioni i vetëm në një kohë kur objektivat minimale janë kupat e Europës. Ndeshja tjetër është ajo mes Skënderbeut dhe Kastriotit në Korçë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49