POP 5

Lajmet më të lexuara të 5 minutave të fundit

Sport

Superliga/ Të dielën Tirana luan sezonin, Kastrioti pret Skënderbeun! Ndreu: Kujdes nga arbitrat

Bylis është pengesa e radhës për Tiranën që duhet kapërcyer me patjetër për të pretenduar ende për titull. Ndërkohë të dielën do të luhet edhe Kastrioti-Skënderbeu, me trajnerin e krutanëve që bën thirrje për kujdes nga ‘skuadra’ e arbitrave.

Të dielën luhen dy ndeshjet e para të javës së 31 të Superligës me Tiranën e cila udhëton për t’u përballur me Ballshin. Kampionët në fuqi vijnë pas një momenti tejet pozitiv, pasi dy ndeshjet e fundit kanë fituar kundër Teutës dhe Vllaznisë. Në prag të takimit trajneri i bardhebluve Orges Shehi thotë se ndeshja me Bylisin është shumë e rëndësishme për vazhdimësinë dhe duhet fituar me patjetër për të pretenduar për titullin.

‘Unë do ta konsideroja kundërshtar të vështirë, pasi janë disa skuadra që në fushën e tyre shprehen më mirë dhe janë më të fortë se jashtë. Është një ndeshje shumë e rëndësishme për ecurinë tonë. Rikuperimi është i konsiderueshëm dhe kjo do të thotë se kemi bërë mirë, por për t’i vënë kapakun na duhen këto ndeshje. Ne e dimë që tituli nuk është në dorën tonë, por do të bëjmë maksimumin për t’i fituar të gjashtë ndeshjet,’-u shpreh Shehi. 

Përballja tjetër është mes Kastriotit dhe Skënderbeut. Humbja e fundit krutanët i ka rrezikuar tej mase, ndërkohë që do përballet me korçarët që kërkojnë mbijetesën. Trajneri i Kastrioti Ramadan Ndreu thotë se në këtë sfidë delikate duhet të bëjnë kujdes nga arbitrat.

‘Unë do them që për ndeshjen e radhës kundër Skënderbeut të jemi shumë të kujdesshëm sepse me njëanshmërinë që tregojnë arbitrat prishin të gjithë garën dhe nuk e kuptojnë dëmin që mund t’i bëjnë gjithësecilës skuadër. Ne nuk jemi marë me arbitrat në përgjithësi,'-deklaroi Ndreu.

Tre ndeshjet e tjera të javës së 31 të Superligës do të luhen të hënën përfshirë edhe Vllaznia-Teuta.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça