POP 5

Lajmet më të lexuara të 5 minutave të fundit

Sport

'Superligës i mungon tempi', Cungu për polemikat e 'VAR': Vendimet vonohen, loja ka humbur bukurinë

Ish-trajneri i shumë klubeve në kampionatin shqiptar Armando Cungu thotë se skuadrat janë ende larg potencialit të tyre maksimal për shkak se ju mungon ritmi. Ndërkohë polemikat për sistemin ‘VAR’ sipas tij janë të drejta, pasi vendimrrja nga arbitrat vonohet shumë dhe kjo prish bukurinë e lojës.

Në javën e dytë të Superligës mbi të tjera dominoi fakti i luhatjes së rezultateve për ekipet që pretendojnë titullin. Sipas Armando Cungut, ish- trajnerit të shumë skuadrave si Kukësi, Laçi apo Vllaznia që aktualisht drejton kombëtaren U-19, ky fenomon ndodh për shkak se lojtarët ende nuk kanë ngrohur ‘motorët’.

Armando Cungu: “Është një sitautë që ndodh çdo fillim kampionati. Ekipet kanë ulje-ngritje si në lojë ashtu edhe në rezultate. Kjo do të thotë se mungon akoma nervi apo impulse i duhur. Sipas meje nga java e 5 do fillojë të shfaqen vlerat reale të skuadrave.”

Kukësi është skuadra e vetme me pikë të plota pas dy javësh kampionat pavarësisht se vjen nga një merkato vere ku ka ndryshuar pothuajse 100% përbërje.

Armando Cungu: “Është një Kukës ndryshe nga dy sezonet e fundit. Megjithatë është shumë herët për të folur edhe për faktin se Kukësi ka qenë i favorizuar nga kalendari në këto dy takime të para.”

Java e fundit që u mbyll të dielën krijoi shumë polemika për shkak të sistemit ‘VAR’, që është edhe risia e këtij sezoni në Superligë.

Armando Cungu: “Në këto dy java të para ‘VAR’ ka dhënë ndihmën e vet dhe kjo nuk duhet mohuar, por ajo që vihet re janë vonesat e tepërta në vendimarrje. Kjo ndikon për keq në ritmin e lojës, te futbollistët, ndërsa edhe atmosfera zbehet në shkallët e stadiumit, te tifozët. Mjafton të pëmend ndeshjen e fundit të Vllaznisë kundër Teutës ku kishte 3 momente që ndërhyri VAR dhe minutazhi për të marrë një vendim ishte shumë i gjatë, gati 5 minuta për rast. Të ndalësh tre herë lojën nga 5 minuta kjo nuk ka nevojë për shumë koment.”

Këtë mesjavë, konkretisht të mërkurën, do të luhen ndeshjet e para të Kukës së Shqipërisë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/09/2021 01:28

    Kur behet Superball-i ,ndeshja finale e futbollit amerikan,e gjitha me loje,me reklama,me spektaklin e pushimit,me sistemin e ngjashem me VAR,etj, fillon ne 6.00 dhe mbaron ne 10.00 te nates dhe eshte me interesante,me i zjarrte,me i shpejte, se sa futbolli evropian (soccer).Juve qaheni per VAR,per ngadalesimin e lojes!! Po kur lojtaren bejne pasime kot mes njeri-tjetrit,sidomos kur afron fundi i ndeshjes,vetem qe te shtyjne minutat kot,po ato nuk e humbin bukurine e lojes? E vdisni fare,do te ishte shprehja me e mire.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 nëntor Altin Dumani?

Ergys Mërtiri: Ç'na tregoi më 23 nëntor Altin Dumani?

24 Nëntor, 08:47 nga Ergys Mërtiri