Trajneri Paolo Di Canio i ka ofruar një rol në portë me skuadrën e Swindon Town, një ish të burgosuri. Luke McCormick është dënuar me 3.5 vjet burg për shkak se në 2008, ai shkaktoi vdekjen e dy vëllezërve 8 dhe 10 vjec në një aksident rrugor kur portieri ishte i dehur.

Asokohe skuadra e tij Plymouth, e shkarkoi menjëherë. Por tani klubi që është kualifikuar në League One, ia ka ofruar një shans për të rindërtuar karrierën dhe jetën. Në janar, McCormick rinisi stërvitjen dhe tani shpreson në një kontratë.

"Jemi pranë familjes së viktimave pasi ishte një tragjedi e madhe dhe jeta e tyre u shkatërrua. Por futbollisti e ka shlyer dënimin dhe tani kërkon të japë më shumë në futboll. Ne duam ti japim shansin që të ndërtojë një jetë" tha presidenti i Swindon, Jeremy Wray, për BBC. (rb/shqiptarja.com)