Receta

Tagliatelle me kërpudha në krem nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Tetor 2023, 11:37 | Përditesimi: 12 Tetor 2023, 11:39

Tagliatelle me kërpudha në krem

Përbërësit:

400 gr tagliatelle
50 gr kërpudha të thata porcini ose kërpudha të freskëta
1 thelpi hudhër
80 gr krem pana
1 qepë e vogël
Gjalpë
Kripë, trumzë
Djathë parmixhano i grirë

Përgatitja:

LEXO EDHE:
Piroshki me mish, receta ruse e piteve të mbushura nga zonja Albana

Nëse kemi kërpudha të thata i vendosim në ujë të nxehtë për rreth 10 minuta, nëse do të përdorim kërpudha të freskëta i kalojmë në një tigan me pak gjalpë. Presin qepën imët dhe e skuqim në një tigan me një kubik gjalpë. Shtojmë gjithashtu një thelpi hudhër. Kullojmë kërpudhat dhe i vendosim në një blender së bashku me panën. E shtojmë kremin në tigan. Ndërkohë makaronat i kemi vendosur në ujë të vluar me kripë. I kullojmë më pas dhe i shtojmë në tigan, i përziejmë mirë dhe i servirim të ngrohta spërkatur me djathë të grirë parmixhano.

MC/Shqiptarja.com

TAG: