Takimi i fundit, Xhafaj zbulon se çfarë i tha ambasadorit të SHBA, Donald Lu

Ministri i Brendshëm Fatmir Xhafaj zhvilloi sot një takim të fundit me ambasadorin e SHBA në Tiranë, Donald Lu, i cili do të largohet nga Shqipëria, pasi i përfundoi mandati. Përmes një statusi në rrjetet sociale, Xhafaj zbulon bisedën me ambasadorin.

Sot përshëndeta një mik e bashkëpunëtor të përzemërt, timin e të vendit. I urova Ambasadorit Lu një vazhdim të mbarë në detyrën e re që e pret, si dhe i shpreha një falënderim të sinqertë për mbështetjen dhe praninë e palodhur në gjithë punët e mira që kemi bërë në këto vite.

Merita e veçantë e Donald Lu-së në promovimin e disa prej reformave më të rëndësishme të vendit mbetet e padiskutueshme. Mirënjohja ime i shkon veçanërisht vendosmërisë së tij për t’i ndenjur në krah Reformës në Drejtësi, si dhe Ministrisë së Brendshme e Policisë së Shtetit.

LEXO EDHE:
Ylli Pata: Profecia e Donald Lu-së: Pse janë tërbuar 'Al Capone'-t shqiptarë

Po sot, i urova mirëseardhjen zvAmbasadores se re Leyla Moses-Ones, e cila shoqëronte Ambasadorin Lu. Një bisedë shumë e frytshme ku diskutuam çështje me interes te dyanshëm në fushën e zbatimit të ligjit dhe forcimin e mëtejshëm te bashkëpunimit mes agjensive ligjzbatuese tona.

Fatmir Xhafaj

Ambasadori amerikan Donald Lu gjatë takimit shprehu vlerësime për bashkëpunimin dhe rolin e posaçëm të ministrit Xhafaj, në kohën kur drejtonte Komisionin parlamentar për Reformën në Drejtësi, si dhe lidershipin politik të këtij të fundit, në kuadër të luftës që Shqipëria po bën kundër krimit të organizuar në tërësi dhe kultivimit të narkotikëve në veçanti. Donald Lu do të largohet nga Shqipëria pasi i përfundoi mandati, ndërsa në vendin e tij pritet që të vijë Kathleen Ann Kavalec.

TAG:
• fatmir xhafaj
• donald lu

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.3%

• Jo

  72.8%

• Nuk e di

  8.9%

Vota total: 1580

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di